ئەمرۆ، 3/10/2018، بە سەرپەرشتی جەنابی سەرۆک #مەسعود بارزانی#، مەکتەبی سیاسی کۆبۆوە بۆ تاوتوێی و بەدواداچوونی پرۆسەی سیاسی عێراق و لێکەوتەکانی ئەم دواییە، ئەمەش لە ڕوانگەی هەوڵەکانی کە درابوون بۆ چارەسەری کێشەکان و هەروەها لە ڕوانگەی پاراستنی یەک ڕیزی و تەبایی نێو ماڵی کوردستانی.
سەبارەت بە میکانیزمی هەڵبژاردنی سەرۆک کۆماری عێراقی فیدراڵ، جەخت لەوە دەکەینەوە کە سەرۆکی کۆمار ئیستحقاقی گەلی کوردستان بووە و پشکی لایەنێکی سیاسی نەبووە، هەمیشەش لە چوارچێوەی تەوافق و سازانی هێزە کوردستانییەکان یەکلایی کراوەتەوە. ئەوەی یەکێتی نیشتمانی ئەمجارە کردی تێکدانی ئەم تەوافقە بوو، ئەمەش سەرەتایەکی خراپە بۆ یەکلا کردنەوەی پۆستی سەرۆک کۆمار.
بۆیە ئێمە ئەم پۆستە و شێوازی دانانی ئەمجارەی، بە نوێنەرایەتی و ئیستحقاقی گەلی کوردستانی نازانین و، دەرگایەکیشی کردەوە کە خەڵکانی دیکە بڕیار لەسەر ئەو ئیستحقاقەی ئێمە بدەن نەک نوێنەرانی گەلی کوردستان.
پارتی بە گرینگییەوە سەیری هەنگاوەکانی پێکهێنانی حکومەتی نوێی عێراقی کردووە و بەشدار بووە لە بیرو ڕا گۆرینەوە، بە تایبەتیش کە بەزەروری زانیوە لە عێراقی نوێدا پێکهاتەکان لە ئیستحقاقاتی بڕیارلێدراو بەهرەمەندبن و ئەو ئیستحقاقاتانەش لە ئاکامی قەناعەت و بۆچوونی پێکهاتەکان بێت و نوێنەرایەتی ڕاستەقینەی ئەوان بکات. لە ئێستاشدا هەنگاوەکانی پێکهێنانی کابینەی نوێی حکومەت بە وردی متابعە دەکەین و، لەکاتی خۆیدا بڕیاری پێویست دەدەین.
مەکتەبی سیاسی
#پارتی دیموکراتی کوردستان#
#03-10-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,026 car hatiye dîtin
Raya xwe li ser vî babetî binivîsin!