Li Rojavayê Welêt Çi Diqewime ?
Berzan Ferman

#Rojavayê Kurdistanê# yan wekî ku bi têgeha Rêveberiya Xweser ( Bakur û Rojihilatê Sûriyê )
Ev herêma navbihûrî rastî gelek bazarên herêmî û navdewletî ve tê.
Emrîka li aliyekî,Rûsiya jî li aliyekî
Emrîkayê piştevaniya Tirkiyê û HSD’ê dike ku her du jî wekî dijimin hev du pênase dikin
Rûsiya jî hevalbendiya Hikûmat Şam û Îran dike ku her du jî sedemkarên herî serekene di dirêjkirina aloziya Sûriyê de.
Mixabin temaşekerên rewşê jî êdî neketine wê ferqê de çi li Rojavayê Kurdistanê rû dide !?
Gelo tenê safîkirina hesaban e ??? Gelo xwestekên Kurdên Sûriyê dê bi cih werin ??? An wê Hikûmeta Şam careke din desthilata vê cîgorafiyê bi dest bixîne ???
Ev hemî pirsin ku her dem têne meraq kirin..pirsa kurdên sûriyê jî tim tê gengeşe kirin..
Kurdên ku di beşekî Kurdistanê de, bûne du alî ( PYD – ENKS ) êdî zehmetiyeke hate pêşber..
Zehmetiya heyî egera operasyoneke Tirkiyê ser herêmên din mîna Qamişloyê û Dêrikê ye..
Mixabin her du alî jî temaşeyî rewşê ne,ne dîplomasiyeke hevpar û hevpişk heye ku gefên Tirkiyê rawestîne…
Tirkiyê jî di vê xalê de keysbaziya hemû aliyan dike ji wana Îtîlafa Oposizyona Sûriyê..
Tirkiyê bi bahenya hebûna PKK’ê jî ser rûyê erdê êrîşên herêmên Rojavayê kurdistanê dike.
Li aliyekî din projeyekê saz dike ku Sûriyê bibe du beş anku Sûriya Bakur – Sûriya Başûr…
Rûsiya piştgira hikûmeta Şamê di raya giştî de dibêje ew vê operasyonê guncaw dibînin ji bo ku kaxezên navdewletî li hev bikevin..
Emrîkayê ji xwe sûdmenda herî sereke ye ji vê aloziyê çimku bîrên Petrolê û Gazê ku dixe bin kontrola xwe de.
Emrîkayê jî hayedariya xwe ne ji Kurdên Sûriyê û ne ji aloziya Sûriyê heye,bi gotineke din ew samanên bin erd dixwaze,jenodîsên ku pêk bên jî wê aliyên beşdar di vê kirîzê de tometbar bike..ji bo piştrastkirina vê jî wezîrê karê derve yê Emrîkayê Mike Pompeo herî dawîn gotarên bi vî rengî belav kir :
Em Rûsiya,Îran û Hikûmeta Sûriyê şermezar dikin ku şer li herêmê gurtir dikin,her wiha tiliyên wan di kuştina xelkê sivîl yê Sûriyê de heye.
Siyaseta Emrîkayê li Rojavayê Kurdistanê diyar bû piştî operasyona Tirkiyê..
Ti kes û layen jî nikare behsa wê yekê bike ku samanên Bakurê Sûriyê bi ku ve diçin ???
Bînin bîra xwe çawan di 12’ê Cotmeha 2019’an de gava agirbesteke Rûsî û Tirkiyê hate imze kirin û nav Qamişloyê û herêmên din jê hate derxistin.
Mirov dikare bi sedan reveyan ji vê yekê derbixîne,lê xal û poyinta herî sereke ku hate gengeşe kirin,çima Tirkiyê û Rûsiya behsa samanên wî welatî nekirin ??
Di vê çarçoveyê de hate tekez kirin ku Emrîkayê armancên xwe pêk anîn..Tirkiyê û Rûsiya jî dest vala agirbest û rêkeftin imze kirin.
Siyaseta Rûsiya jî êdî li asoyan diyar dibe,bi mebesta diyalogeke di navbera Rêveberiya Xweser û Hikûmeta Şamê,dixwaze rola Emrîkayê qels bike û biryarek ji wê hikûmetê derkeve ku Emrîka ji vî welatî der bê..
Rûsiya jî bi vê zanebûn dike,lê Emrîkayê tevî ku xwe dûrî bûyeran kirî,di gotarên herî dawîn got ew ê li gel HSD’ê hevrikiyê bikin da dawî li şaneyên razayî yên DAIŞ werînin…
Ev jî pilana Emrîkayê ku diyalogeke di navbera Rêveberiya Xweser û Rûsiya de rû nede..
Ji bo ku serwer be ser rewşê û li gor siyasetên xwe pilanan bo vê herêmê saz bike..
Lewma pirsyara herî sexte ew e çarenûsa Kurdên Sûriyê wê çi be ??
Çareseriyên ji bona parastina xaka Rojavayê Kurdistanê ji êrîşên Tirkiyê û bazarên herêmî çi ne ??
Bersiva herî dawîn ku mejiyê gelê kurd tê de hizir dike
( Yekîtiya Neteweyî )
[1]