جوابو نەزانا، بېدەنگین
نەقڵشا کەرڎەن کە (شێخ ڕەێیس بووعەلی سینا) جە سەفەرێونە مانیا بې و ئەسبەکەش بەستشوە تاکو وچانێوە بڎۊ، ئاڵفش کەڕڎرە پەیش ویچش تۊشەبەرەش یاوارە تاکو وەردڵێو وزۆ.
چی عاڼە ڕاوېیارێو چەنی هەرەکەیش ئاما.
بێ ئانەی پەرس کەرۊ هەرەکەش برڎش لاو ئەسبەکەو بوو عەلی سینای بستشوە تاکو ئاڎیچ کەمېو چا ئاڵفی وەرۆ ، وێچش بی شەریکوو خوانەکېش.
بووعەلی سینا واتش:هەرەکەیت چا مەبینەوە نەکای ئەسبەکەم لەقېوەش بڎۊوەنە و قاچېویش ماڕۆ.
ڕاویارەکەیچ گۊشش نەڎا و دەسش کەرڎ بە نان وارڎەی.
هەڵای دوې تیکېش نەوارڎێبېنې کە ئەسبەکەی لەقېوەش داوەنە هەرەکەی.
کابرایچ توورە بی و واتش هەرەکەم شەل بی.
شیخ هیچش نەوات و پسۆ لاڵا بې دەنگ بی.
ڕاوېیارەکە واتش مشۊ بلمێ لاو قازی تاکو حقیم سانوو چەنەت.کەوتێ ڕا ڕوو بە یانەو قازی.
قازی سرنجش دا میۆ بووعەلی سینا قسێ مەکەرۊ، واتش ئەجۊ لاڵا.
ڕاوېیارەکە ئامەوە جواب و واتش ناوەڵا قۆربان، جە من سالمتەرا و تاییبەت وېش کەڕڎەن بە لاڵ شاهێڎنا وەڵێشنە قسێ کەرې.
قازی پەرساش دەی چېشش وات؟
جوابش داوە کە من کاتېوو هەرەکەم لاو ئەسبەکەیشنە بەستوە واتاش پەنە کە هەرەکەیت چا مەبینەوە نەکای ئەسبەکەم لەقېوەش بڎوەنە و شەلش کەرۊ.
قازی دەسش کەرڎ خوای و زاناش کە بووعەلی سینا پیاوێ ژیرو عاقڵا، واتش حەز کەرو دەلیلەو بې دەنگیت زانوو.
شیخ ڕەئیس بووعەلی سینا جوابېوش داوە کە دمایی بی بە مەتەڵېوە مەشهوورە.
واتش: وەڵامو نەفاما بېدەنگین (جواب ابلهان خاموشی است).
مادێح سەحرایی.[1]