- ئەو پارێزەرەی (رێبین سەباح) بڕیاریدا بەخۆڕایی مامەڵەی ئەو هاوڵاتییانە ڕایی بکات، کە ناوەکانیان لە عەرەبییەوە بۆ کوردی دەگۆڕن، لەلایەن چەند کەسێکی نەناسراوەوە ماڵەکەی بەردباران دەکەن و چەند پەنجەرەیەکی دەشکێنن.
- چەکدارانی داعش لە سێ قۆڵەوە هێرشیان کردە سەر سەنگەرەکانی پێشمەرگە لە میحوەری گوێر و مەخموور، بەڵام هەر زوو لە لایەن هێزەکانی پێشمەرگەوە بە پەرچ درانەوە و دوای نزیکەی سێ کاتژمێر هێرشەکەیان تێکشێنرا و زیانێکی زۆریان پێگەیشت.
- لە دەربەندیخان، پێشمەرگەیەکی حیزبی شیوعی کوردستان بەناوی (ئا. م)، لە ماڵەکەی خۆیدا خۆی خنکاندووە و گیانی لە دەستدا.