Bi dirûşma Azadî bi zarokatiyê dest pê dike Tevgera #Mezopotamya#yê ya Çand û Hunera Demokratîk a #Hesekê# bi hevkariya Tevgera Hîlala Zêrîn Mîhrîcana Zarokan a Heftemîn li dar xist.
Mîhrîcan li Navena Xabûr a Çand û Hunerê ya li taxa Muftî ya Hesekê bi beşdariya komên hunerî; Koma Înana ya Suryan a dîlanê, Koma Şehîd Demhat a stranan a zarokên Kampa Waşûkanî ya navçeya Holê, Koma Şehîd Viyan Peyman a muzîkê ya #Dirbêsiyê#, Koma Şehîd Serhed a muzîkê ya Hesekê, Koma Çivîkên Pêşerojê, Koma Kulîlkên Kurdistanê, Koma Xabûrê ya stranan a #Til Temir#ê, Koma Şehîd Derasî û Koma Celadet Bedirxan a şanoyê hate lidarxistin û bi sedan zarok û malbatên wan û endamên saziyên sivîl lê amade bûn.
Di mîhrîcanê de sînevîzyonek li ser perwerdeya salê ya zarokên beşdarî mîhrîcanê bûne û wêneyên zarokan hatin pêşandan.
Endama rêveber a Tevgera Hîlala Zêrîn a Hesekê Fatme Ehmed mîhrîcan li gelê herêmê pîroz kir û wiha got: Armanca me ji lidarxistina mîhrîcanê peyamekê ji dagirkeriya Tirk re bişînin ku şêniyên herêmê ji tevahî pêkhateyên wê bi çand û hunera xwe ve girêdayî ne, tevî êrişên wê yên li ser herêmê. Her wiha armanc ew e ku behreyên zarokan derxin û teşwîq bikin, fikrê azadiyê ku ji hezkirinê û xweqebûlkirinê, jiyana hevbeş û avakirina nîfşekî nû belav bikin.”
[1]
ئەم بابەتە بەزمانی (Kurmancî - Kurdîy Serû) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî - Kurdîy Serû) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,975 جار بینراوە
ڕای خۆت دەربارەی ئەم بابەتە بنووسە!