ناونیشانی بابەت: دیمەنی ناوازەی تاڤگەی کانی سپی لە دەڤەری باڵەکایەتی
ئامادەکردنی: #محەمەد هەسنانی#
لەگەڵ باران بارین و هاتنی وەرزی بەهار، لەم ساڵدا (2023) ئاوە سەرنجڕاکێشەکەی تاڤگەی کانی سپی لە دەڤەری باڵەکایەتی هەڵقوڵاوەتەوە، ئەمەش دیمەنێکی جوانی بە ناوچەکە بەخشیوە.
لەمبارەیەوە ئومێد قادر چالاکوانی ژینگەپارێزیی لە سنووری ئیدارەی سۆران بە (باسکورد) ی ڕاگەیاند، تاڤگەی کانی سپی دەکەوێتە دەڤەری باڵەکایەتی لە سنووری شارۆچکەی #چۆمان#، دیمەنی جوان و سەرنجڕاکێشی هەیە، لەبەر ئەوەشە ساڵانە بەتایبەتی لە وەرزی بەهار هاووڵاتییان و گەشتیاران ڕووی تێدەکەن و کاتێکی خۆش لە شوێنەکە بەسەر دەبەن.
وتیشی، کانیاوی ئەم تاڤگەیە لەگەڵ هاتنی وەرزی بەهار و باران بارینی ئەم ڕۆژانەی ڕابوردوو، ئاوەکەی تێدا دەرکەوتووەتەوەو هەڵقوڵاوە، جوانییەکی بێ هاوتاشی بە ناوچەکە بەخشیوە.[1]