ناوی کوردستان بۆ یەکەمجار لە سەدەی دوازدەمینی زایینەوە لەلایەن سوڵتان سەنجەری سەلجوقی، کە لەماوەی ساڵانی (511-557ک/1118-1157ز)دا دەسەڵاتی بەدەست بووە بەکارهاتووە، هەروەها گەڕیدەی ئیتاڵیش (مارکۆ پۆڵۆ 1254-1323)، یەکەم کەس بووە وشەی (کوردستان)ی لەنووسیندا بەکارهێناوە، دواتریش لەپەرتووکەکانی (جامع التواریخ) لەنووسینی (رەشید ئەلدین فەزلوڵڵا هەمەدانی) لەساڵەکانی (1310-1311ز) و (نزهة القلوب)ی مێژوونووسی ناوداری ئیسلامی (حەمەدوڵڵای قەزوێنی)دا، کە لەساڵی (750ک/1349ز)دا نووسیوێتی، ناوی کوردستان هاتووە.