خەندان محەمەد بەختیار
قایمقامی قەزای #شارەزوور# پڕۆژەکانی قەزاکەی بۆ ساڵی داهاتوو ڕاگەیاند، کە داوای 14 ملیار و 506 ملیۆن دیناریان کردوە، بۆ ئەوەی چەند پڕۆژەیەکی گرنگی پێ ئەنجام بدەن، لە ساڵی 2013 شدا بە بڕی زیاتر لە 18 ملیار دینار پڕۆژە بۆ قەزاکە خراوەتە بواری جێبەجێکردنەوە.
لە کۆنگرەیەکی ڕۆژنامەوانیدا کە ئەمڕۆ دووشەممە لە هۆڵی بەڕێوەبەرایەتی ڕۆشنبیری و هونەری شارەزوور سازیدا، سۆران عەلی، قایمقامی قەزای شارەزوور پڕۆژەکانی ساڵی 2014 ڕاگەیاند و ئاماژەی بەوەکرد: داوای 14 ملیار و 506 ملیۆن دیناریان کردوە بۆ ئەوەی چەندین پڕۆژەی پێ جێبەجێ بکەن.
له و کۆنگرە ڕۆژنامەنووسییەدا قایمقامی شارەزووری مژدەی کردنەوەی کۆلێژێکی لە مەڵبەندی قەزاکە لە ساڵی 2014 دا ڕاگەیاند وتیشی: هەموو هەوڵێک دەخەینەگەڕ تابەباشترین شێوە پڕۆژەکان بچنە بواری جێبەجێکردنەوە.
روونیشیکردەوە: لەساڵی 2013دا بەبڕی 18 ملیار و 745 ملیۆن و 852 هەزار دینار پرۆژە جێبەجێکراوە.
#23-12-2013#