ناو: وریشە مورادی
نازناو: جوانا سنە
$ژیاننامە$
وریشە مورادی ناسراو بە (جوانا سنە) ، چالاکی سیاسی و داکۆکیکاری مافەکانی ژنان، لە ڕۆژی #26-09-2023# لە ڕێگەی نێوان #مەریوان# و #سنە# لەلایەن ئیتلاعاتی سوپای پاسدارانی ئێران، بە شێوەیەکی دڕندانە دەستبەسەر دەکرێت و لەکاتی دەستبەسەر کردنیدا لەلایەن هێزەکانی حکومەتی کۆماری ئیسلامی ئێران ئەشکەنجە دەدرێت و بێڕێزی پێ دەکرێت و بۆ شوێنێکی نادیار دەگواسرێتەوە.
شایەنی باسە لە ڕۆژی 26-09-2023 کەژار (کۆمەڵگەی ژنانی ئازادی ڕۆژهەڵاتی کوردستان) لە بەیاننامەیەکی فەرمیدا وێڕای پشتڕاستکردنەوەی هەواڵی ڕفاندنی جوانا سنە، داوای لە هەواڵ نێرانی تایبەتیی مافی مرۆڤی نەتەوە یەکگرتووەکان بۆ کاروباری ئێران و ڕێکخراوە نێودەوڵەتییەکانی مافی مرۆڤ کرد کە لەسەر بێسەروشوێن کردنی نامرۆڤانەی وریشە مورادی و هەروەها بۆ پێشگرتن بە سیناریۆ سازیی ناوەندە حکومەتییەکان کۆماری ئیسلامی ئێران ڕێوشوێنی پێویست بگرنە پێش. [1]