ناڤنیشانێ بابەتێ: کۆنسلێ ئەمریکا سەرەدانا ئامێدیێ دکەت و سۆزا نۆژەنکرنا شینواران ددەت
ئامادەکردنا: رۆژهات لوقمان
کۆنسلێ گشتى یێ نەتەوەیێن ئێکگرتى یێن ئەمریکا ل هەرێما کوردستانێ سەرەدانا قەزا #ئامێدی#ێ دکەت و سۆزا بەردەوام یا نیژەنکرنا شینواران ددەت.
ئیرڤن هیکس، کۆنسلێ گشتى یێ ئەمریکا ل هەرێما کوردستانێ دگەل دۆگلاس مورۆ بەرپرسێ کارۆبارێن گشتى ل کۆنسلخانا ئەمریکا ل هەولێرێ د سەرەدانەکێ دا بۆ قەزا ئامێدیێ، ژلایێ وارشین سەلمان، قایمقامێ قەزا ئامێدیێ ڤە دهێنە پێشوازیکرن.
کۆنسلێ ئەمریکا ل هەولێرێ ل قەزا ئامێدیێ سەرەدانا شینوارێن( قۆتابخانا قۆبەهان، کۆرا سێجێ، گۆرێن سۆلتانا،دەرگەهێ ئامێدیێ) دگەل چەند جهێن دى کر و سۆزا وێ چەندێ دا کۆ ئەمریکا دێ بەردەوام بیت ل سەر پشتەڤانیکرن و نۆژەنکرنا شینوارێن هەرێما کوردستانێ و بەحس ل جوانى و سەرنجراکێشیا سرۆشتێ قەزا ئامێدیێ هاتە کرن.
جهێ ئاماژەدانێ یە، ئەمریکا ب کۆژمێ 500 هزار دولاران کارێ نۆژەنکرنا دەرگەهێ ئامێدیێ یێ مێژووى و شینوارى دکەتن و ژلایێ زانکۆیەکا وى وەلاتى ڤە کارێ نۆژەنکرنێ بەردەوامە.[1]