جامی ئەرگان، جامی ئەرژان یان جامی کیدین هۆتران، ناوی سینییەکە کە لە تابووتی کیدین هۆترانی یەکەم، پاشای ئیلامییەکانەوە دۆزرایەوە لەگەڵ کۆمەڵێک کەرەستەی تر لە شوێنی کۆنی ئەرجان کە سەربە شارستانییەتی ئیلامییە.
مێژووی #کوردستان# و کولتوورە جوانەکەی بەقەد مێژوو دەدرەوشێتەوە، یارییە مێژوویی و کۆنەکەی قۆلان تەمەنی 3000 ساڵە، کە لەسەر سینییەکی سەردەمی ئیلامییەکان هەڵکەنراوە و ئێستا لە مۆزەخانەی پاریسدایە، یەکێکە لە یارییە مێژووییەکانی کوردستان کە لە ناوچەکانی ئەردەڵان، #سنە#، #کرماشان#، #ئیلام#، لوڕستان بەڕێوەدەچێت، ئەم یارییە بەزۆری لە وەرزی بەهاردا و لە چەناگەی سرووشتدا ئەنجام دەدرێت.
قۆڵان لە زمانی کوردی باشووردا بە واتای یاریکردن بە یەک پێ دێت. [1]