کەلها پاشایێ مەزن(کەلها سارتکە) ئێکە ژ شینوارێن دێرین یێن کوردستانێ یە ، دکەڤیتە قەزا #دوکان# ل پارێزگەها #سلێمانی#ێ ، مێژوویا وێ ڤەدگەرێت ژبو سەردەمێ مێرنشینا سوران، ئەڤ کەلهە ژ لایێ [میر محەمەد] کو یێ بەرنیاس بوو ب پاشایێ کورە یان ژی پاشایێ مەزن ، ئەف هەردوو ناڤە دگوتنێ ، کوو پاشایێ میرنشینا سوران بو ل ساڵا (1813 تا 1837) ز، ئەڤ کەلهە ب مەرەما سەربازی ل سەر گرەکێ بلند دروستکریە ژبەر وێ یەکێ داکو زێرەڤان هەمی رەخا ب ساناهی ببینن.
میرنشینا سوران (1399-1835)ز حکومەتەکا کوردی بوو ، ساڵا 1816 ز سەربەخویا خوە ڕاگەهاند ، ساڵا 1835ز لسەر دەستێ عوسمانیا هاتە ژناڤبرن.
دامەزراندنا مێرنشینا سوران ژلایێ کەسەکێ کورد ب ناڤێ کەلوس کوردەکێ گەلەک ب ناڤ و دەنگ بوو، ل سەروەختێ میر مستەفا کاودانێن مێرنشینا سوران پێشکەت و خوش بوو
میر مستەفا ساڵا 1813 ز دەستهەڵاتا میراتیێ ددەتە کوڕێ خو کو ناڤێ وی میر محەمەد بوو ، میر محەمەد زەڵامەکێ هشیار و زیرەک بوو، گەلەکێ ب ناڤ و دەنگ بوو ، ئەف میر محەمەدە ب پاشایێ کورە یێ بەرنیاس بوو.
میر محەمەد کاروبارێن میراتیێ دکەتە دوو پشک
چارەسەرکرنا شەڕ و ئاژاوەگێڕیا نافخو
تێکوشان ژبو بەرفرەهکرنا میرنشینا سوران
میر محەمەد [پاشایێ گەورە] پشتی دەرباس بوونا سێ ساڵا ل سەر میرنشینا ویدە ، ساڵا 1816 ز کارگەهەکا چەکی نێزیک باژێڕوکێ ڕەواندزێ دروستکر، پشتی میری سەربەخویا میرنشینێ ڕاگهاندی دەستدا بەرفرەهکرنا سنورێن میرنشینێ ئوردوگایەکێ لەشکەری ژ 30000 سی هزار سەربازان دروستکر ژوانا 10000دەه هزار سیاربوون 20000 بیست هزار پیادە، ساڵا 1833ز سنورێ میرنشینا سوران گەلەک بەرفره بوو ، ژ باکووری هەتا جزیرێ و ژ باشووری هەیا زێی بچیک.
میر محەمەد بو ڕێڤەبرنا میرنشینا خودا سیستەمەک دانا ، دسیستەمێ خودا خەزینەکا سێ بەشی پێکئینا
بەشێ مال و ملکێ تایبەتێ میری
بەشێ داهات و باج
بەشێ دارای و فەرمانرەوایا باژێرا
میر محەمەد ساڵا 1834 ز لەشکەرەکێ مەزن ب سەروکاتیا ئیبراهیم پاشا دژی سولتان مەحموودێ دووێ عوسمانی هنارتە سەر سوریا ژلایەکێ دیژی لەشکەرەکێ دی ب سەروکاتیا میر موراد هنارتە ئیرانێ وان دەڤەرێن کوو کورد تێدا ئاکنجی بوون.
میری ساڵا 1834ز پەیمانەکا ئاشتیێ دگەل ئیرانێدا ئیمزە کر
دەولەتا عوسمانی ژی هەمی گاڤا مژیلی پلانا هێرشکرنێ بوو دژی میرنشینا سوران ، بەلێ سەرنەدکەفت
ساڵا 1836 ز عوسمانیا ب سەروکاتیا رەشید پاشا هێزەکا مەزن هنارتە سەر میرنشینا سوران، شەڕەکێ گران چێبوو و ل دوماهیێ هێزا عوسمانی شیا دەردوورا میرنشینا سوران بگریت.
ل دیفدا میر محەمەد بخوە چو ئیستەمبولێ و سولتان مەحمودێ دووێ یێ عوسمانی میر ئازاد کر، لێ د دەمێ ڤەگەریانێدا ب نامەردانە بوسەیەک بو میری دانا و میر کوشت و میرنشینا سوران دوماهی هات.
لێ ئەف شینوارە ژی وەکە هەمی شینوارێن دن یێن کۆردستانێ نە ژلایێ حکومەتێ و جهێن بەرپرس گرنگی پێ دهێتە دان ، ژلایەکێ دی خەلک ژی ڤان جهێن شینواری ناپارێزن ، مخابنیڤە بەشەکێ مەزن ژ دیوارێن وێ یێن هەڕفتی و یێن بەرەف ژنافچونێ دچن ، زێدەباری وێ چەندێ بەشەکێ مەزن ژ گەشتیارێن نافخو و یێن بیانی سەرەدانا ڤی جهەی دکەن ، بەلێ پا چ ڕێگری نەهاتینە کرن بو ژنافچوونا ڤان جهێن شینواری و دیروکی و گەشتیاری یێن گرنگ، دڤێت حکومەت و ڕێڤەبەریێت شینواری و جهێن بەرپرس ڤان جهێن شینواری ، دیروکی ، گەشتیاری بپارێزن، چاڤدێریێ لێ بکەن. [1]
ئامادەکرن :kovan sh Rêkani