بە مەبەستی برەودان و بەرەو پیێشچوونی زیاتری فێرگەی تۆپی پێی #یانەی وەرزشی پێشمەرگەی سلێمانی# کۆبوونەوەیەکی گرنگ بەڕێوەچوو.
ئێوارەی ڕۆژی سێشەممە #01-08-2023# و لەنێو بارەگەی یانەی وەرزشی پێشمەرگە و بەسەرپەرشتی وسام محەمەد بازگ سەرپەرشتیاری گشتی تیپی تۆپی پێی یانە و بە ئامادەبوونی ستافی ڕاهێنەرانی فێرگەکە ، کۆبوونەوەیەکی فراوان بەڕێوەچوو.
لەو کۆبوونەوەیەدا و سەرەتا سەرپەرشتیاری تیپی تۆپی پێی یانەی پێشمەرگە سوپاسی دەستەی ڕاهێنەرانی کرد لە پای ئەو هەوڵە بەردەوامانەیان و گرنگی دانی زیاتر بە ئاستە تەمەنییەکان، هەروەک چەندین پێشنیازی نوێی بۆکردن لە شێوازی کارەکانیان و ئامادەکاری زیاتریان بۆ بەرەوپێشچوونی فێرگەی تۆپی پێی یانەی پێشمەرگە کە بووەتە قوتابخانەی پێگەیاندنی یاریزانان و لەو فێرگەیەوە چەندین یاریزانی نوێ گەیشتونەتە ئاستەکانی دیکەی تیپەکانی یانەکەیان.
ئەمە و دواتر ڕاهێنەران چەند پێشنیازێکی نوێیان خستە بەردەم سەرپەرشتیاری بەشەکەیان و ئەوەش خرایە بەرنامەی جێبەجێکردن تا بتوانن زیاتر و زیاتر بەرەوپێشچوون بە خۆیانەوە ببینن.
[1]