لە ڕۆژانی #12-12-2023# تا #22-12-2023# یەکێتی شەتڕەنجی ئاسیا لە وڵاتی ئیمارات پاڵەوانێتی شەتڕەنجی تەمەنەکانی بە بەشداری 38 وڵات بەڕێوەبرد.
یارییەکانی پاڵەوانێتییەکە تایبەت بوو بە تەمەنەکانی 6 تا 18 ساڵ و لە تەمەنی 8 ساڵ دوایی ڕکابەریەکی بەهێزی پڕ ئاست و لە دوایی 9 جەولەی یارییەکانی، #ڕەهەند ئاودێر#ی یاریزانی تیمی شەتڕەنجی #یانەی وەرزشی پێشمەرگەی سلێمانی# و، یاریزانی هەڵبژاردەی شەتڕەنجی ئێراق توانی پلەی حەوتەم دووبارە بە کۆکردنەوەی 6 خاڵ مسۆگەر بکات.
ڕکابەرییەکانی تەمەن 8 ساڵ بە بەشداری 64 یاریزان بوو کە تێیدا بیرمەندانی چەندین وڵاتی وەک، (ئێران، سین و ئۆزبەکستان) تێیدا بەشدار بوون و لەنێویاندا دوایی پیشان دانی ئاستێکی بەرز ڕەهەندی بیرمەند توانی لە پێشەنگی یاریزانانی ئەو وڵاتانە بێت و بۆ یەکەم جار مێژوویەکی پڕ دەست کەوت و خەرمانی بۆ خۆی و یانەکەی و هەڵبژاردەی ئێراق نووسییەوە.
جێگەی وەبیر هێنانەوەیە هەڵبژاردەی ئێراق بە 6 یاریزان بەشداری لەو پاڵەوانێتییە کردوو جگە لە ڕەهەند ئاودێر هەر یەک لە یاریزانان (مەلاک مەهدی کچە یاریزانی تەمەن 16 ساڵ، عەلی فیراز کوڕە یاریزانی تەمەن 18 ساڵ، عەلی زەین ئەلعابدینی 16 ساڵ، ئەمین محەمەدی 14 ساڵ، بەڵقیس محەمەد کچە یاریزانی تەمەن 10 ساڵ) تێیدا بەشدار بوون. [1]