لە درێژەی یارییەکانی خولی نایابی تۆپی پێی یانەکانی ئێراق و لە جەولەی چوارەمی قۆناغی دووەمی خولەکە، تیمی تۆپی پێی #یانەی وەرزشی پێشمەرگەی سلێمانی# لەسەر یاریگەی خۆی لە ناوچەی فەرماندەیی میوانداری لە یانەی مەسافی جنوب دەکات.
یارییەکە لە کاتژمێر 3:00 پاش نیوەڕۆی ڕۆژی هەینی ڕێکەوتی #05-04-2024# بەڕێوە دەچێت و پێشمەرگەکانی لوتکەی ڕیزبەندی کۆمەڵەی یەکەم بە 25 خاڵەوە دەیانەوێت بە هەمان هەگبەی پڕەوە و لە لوتکەی تیمەکان بمێننەوە و بەو ئامانجەش دەچنە نێو یاریگەکەیان و ڕووبەڕووی یانەی مەسافی جنوبی شاری بەسرەی خواری ئێراق دەبنەوە.
یانەی پێشمەرگە لە یاری یەکەمی قۆناغی یەکەمی خۆی لە بەرانبەر ئەو یانەیە، یارییەکەی بە یەکسان بوون کۆتایی هات و بۆ ئەم یارییەی دەیەوێت سێ خاڵەکەی مسۆگەر بکات.
هەروەک یانەی مەسافی بە 21 خاڵ و لە پلەی چوارەمی ڕیزبەندی ئەنجامەکەی تەنیا دڵخۆشکردنی هاندەرانێتی و بەو مەبەستەش ڕووی لە شاری #سلێمانی# کردووە.
=KTML_Bold=خشتەی یارییەکانی جەولەی چوارەمی قۆناغی دووەم بڕوانە فایلی پەیوەندیدار=KTML_End=:[1]