ناونیشانی بابەت: پالەنگان.. بەهەشتە ونبووەکەی کوردستان
ئەم گوندە کۆنە بەردینە، بەهۆی جوانییە سروشتییە زۆرەکانییەوە، بە بەهەشتی ونبووی #کوردستان# ناسراوە. #پالەنگان# بە تێپەڕبوونی ڕووبارێک بەناوی تەنگی ڤار، لە ناوەڕاستەکەیدا بەسەر دوو نیوەدا دابەش بووە و کێڵگەکانی لالەنگی، کە دەکەوێتە نزیک ئەم گوندە، هەموو بینەرێک دڵخۆش دەکەن.
خانووەکانی پالەنگان لەسەر شاخ هەڵکەوتوون و شێوازی ناوازەی تەلارسازیی پلیکانەکانیان وایکردووە ئەم گوندە کۆنە بۆ زۆر لە گەشتیارانی ناوخۆیی و بیانی سەرنجڕاکێش بێت.
گوندی سەرسوڕهێنەری پالەنگان دەکەوێتە ناوچەیەکی شاخاوی و لە دامێنی بەرزاییەکانی شاهۆ، لەگەڵ سروشتێکی جوان و سەرنجڕاکێش. باشووری ڕۆژئاوای ئەم گوندە بە شاخەکانی کۆل و سێرلو دەورە دراوە و باشووری ڕۆژهەڵاتیش بە دەروازەی زەمەن-گریوە دەورە دراوە، کە پالەنگان وەک گەوهەرێک تێیدا دەدرەوشێتەوە.
گوندی پالەنگان یەکێکە لە شوێنە گەشتیارییەکانی #کامیاران#، یەکێکە لە شارەکانی پارێزگای کوردستان، کە دەکەوێتە سەر سنووری ئەم پارێزگایە و #کرماشان# و لەسەرەتای ناوچەی ئۆرامان، یان #هەورامان#.
بەرزیی ئەم گوندە نزیکەی 1020 مەتر لە ئاستی دەریاوە بەرزە و کەش و هەوایەکی مامناوەند و وشکی هەیە، کە لە وەرزی بەهار و هاویندا، لە کەشوهەوایەکی فێنک و خۆش، میوانداریی ژمارەیەکی زۆر گەشتیار دەکات. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=