- لە نزیک گوندی تۆپخانەی سەر بەناحیەی لەیلان لە سنوری کەرکووک سێ تەرمی نەناسراو دۆزرانەوە.
- باڵی سەربازیی پەکەکە ڕایدەگەیەنێت لە تۆڵەی ژەهرخواردکردنی 12 گەریلاکەیاندا "30 پۆلیسی تورکیایان کوشتوە و ژمارەیەکیشیان بریندار کردوون".
- یەکێتی ئەوروپا نیگەرانی خۆی پیشاندا لە دەستگیرکردنی ژمارەیەک لەئەکادیمییەکانی تورکیا لەلایەن حکومەتی ئاکەپە، دوای ئەوەی ئەو ئەکادیمیانە ئیدانەی پەلامارەکانی هێزە ئەمنییەکانی تورکیایان کرد بۆسەر شارەکانی باکوری کوردستان.
- قوباد تاڵەبانی جێگری سەرۆکی حکومەتی هەرێمی کوردستان ئاماژە بۆئەوە دەکات، فەرمانبەرانی هەرێم دڵنیا دەکەنەوە لەوەی شەوو ڕۆژ کاردەکەن تا لەم دۆخەی ئێستادا کە نرخی نەوت لەبازاڕەکانی جیهاندا بەردەوام دادەبەزێت، بتوانن مووچەیان بۆ دابین بکەن.
- لە پارێزگای بەسرە خۆپیشاندانی بەرفراوان بۆ گەڕانەوەی د.یوسف محەمەد سەرۆکی پەرلەمانی کوردستان ئەنجامدرا، خۆپیشاندەران داوای لابردنی مەسعود بارزانیان دەکرد له پۆستی سەرۆکی هەرێم.