لە 01-03-1976 خەڵکی گوندی شیلانی سەر بە شارەدێی باتوفەی شارۆچکەی زاخۆ لەدایکبووە. سەربە عەشیرەتی گولییە، گوندەکەیان بە گوندی شەهیدان ناو دەبرێت چونکە خاوەنی 40 شەهیدن. تاوەکو پۆلی شەشەمی سەرەتایی خوێندووە. زیاتر لەنیوەی تەمەنی پێشمەرگایەتی کرد‌و لە 40 ساڵیدا شەهیدبوو، دوائەرکی لەفەوجی دووی لیوای هەشتی وەزارەتی پێشمەرگە بووە. دواین منداڵی کچ بووە و تەمەنی کچەکەی زوهێر تەنیا دوو هەفتە بوو کاتێک باوکی گەڕایەوە بەرەکانی شەڕ، بەپەرۆشەوە لەهاوڕێ پێشمەرگەکانی ناوی خۆشی دەپرسی بۆ منداڵەکەی، بەڵام ئەوەی دەیویست فریای نەکەوت. ئێستا تەمەنی ئەو منداڵە دوو ساڵە، دوای شەهیدبوونی زوهێر محەمەد لەشەڕی دژ بەداعش ناوی لێنراوە (کەسەر).
شەهید لەسەرەتاکانی ڕوبەڕووبونەوەی هێزەکانی پێشمەرگە لەگەڵ داعش لەناوچە کوردستانیەکانی سنوری نەینەوا، لەگەڵ 13 هاوسەنگەری تریدا شەهیدبوو دوای ئەوەی گروپێکی گەورەی ئەو ڕێکخراوە گەمارۆدرابوون. کە ڕۆژی 01-08-2014 شەهید دەکرێن.