لەدایکبووی ساڵی 1960 گەڕەکی #سەرکارێز# لە شاری #سلێمانی# یە. هەر لە مناڵیەوە خولیای وەرزش بووە، لەتیپی سۆران دەستی بە یاریکردن کردووە، دواتر لەتیپەکانی سەفین، لە مەرکەز شەبابی سلێمانی، هەڵبژاردەی پەروەردە، #یانەی وەرزشی سلێمانی#، کرێکاران، پۆلیسی سلێمانی و هەڵبژاردەی سلێمانی یاریکردووە، دواتر بوو بە یاریدەدەری ناوبژیوانی پلەیەکی کوردستان و عێراق، .
لە بواری مۆسیقا وەک ژەنیاری درامس لە تیپی گۆران بووە. ڕۆژنامەنووس و میدیاکارێکی لێهاتوو بووە، لە ڕۆژنامەکانی کاروانی وەرزش و هەرێم، #کوردستانی نوێ# بابەت و نووسینی هەبووە، لەتەلەفزیۆنی سۆسیالیست پێشکەشکاری بەرنامەی وەرزش و وەرزشەوانی هەبووە. یەکەم کەس بووە بەرنامەی ڕاستەوخۆی پێشکەش کردووە لە کوردستان، هەروەها لە کەناڵەکانی سپۆرت و فالکۆن بەرنامەی وەرزشی هەبووە، بەردەوامە لە نووسین و ئەندامی لیژنەی ڕۆژنامەنووسانی وەرزشی کوردستانە.[1]