ناڤ: کەمال
ناسناڤ: کەمال ئاکرەیی
ناڤێ بابی: سوفی تاهڕ
ناڤێ دایکێ: مریەم
ساڵا ژ دایکبوونێ: 1949
ڕۆژا مرنێ: #04-03-2013#
جهێ ژ دایکبوونێ: #ئاکرێ#
جهێ مرنێ: ئاکرێ
$ژیاننامە$
هونەرمەند کەمال سوفی تاهڕ ئەحمەد یێ بەرنیاس ب کەمال ئاکرەیی ل ساڵا 1949 ل باژێڕوکێ #ئاکرێ# یا بیکا بەهدینان ل تاخێ گوڕەڤا کو تاخەکێ کەڤنارێ ڤی باژێڕوکێ یە ژدایک بوویە، ناڤێ دایکا وی مریەم بوویە. خوەندنا خوە یا سەرتایی و هەیا قوناغا ئامادەیێ ل ئاکرێ تمام کرییە و پشتڕە ل کولیژا ئاداب پشکا زمانێ ئینگلێزی باوەڕناما باکالۆریوسێ بدەست خوە ڤە ئیناندییە و ل باژێڕوکێ ئاکرێ دەست ب خزمەتا ماموستایێ کرییە. هەر ل زاروکینیێ ڤە بەهرەیا هونەری و دەنگێ زەلال دناخێ ئاکرەیی دە هەبوویە و د ناڤا دوست و هەڤالێن خوەدە هەردەم ستران گووتینە، پشتڕە هێدی هێدی ل شاهیان و گوڤەندان ژیک ستران پێشکەش کرینە. ل ساڵا 1969 ژبو جارا ئێکێ لسەر تەختێ شانویێ سترانا ئای دەلال و ئەز کەڤوکم لسەر شیوازێ هونەرمەندێ مەزن #حەسەن جزیری# گووتینە، ئو لدیف وێ و پشتی بەیاننامە 11ێ ئادارێ بڕیار دا ب فەرمی سترانان ببێژیت. کەمالێ ئاکرەیی ل دەستپێک دە کارێ فەرمی یێ خوە یێ هونەری ب سترانێن فلکلوری دەست پێکرینە و هەروەسا چەندین ستران لسەر نەوروز و پێشمەرگە و کوردستانێ گووتینە، ئێکەم بەرهەمێ هونەرمەند ل ساڵا 1972 و دوماهیک بەرهەم ژیک ل ساڵا 2007ێ دە بوویە و د ماوێ ڤان 35 ساڵان چەندین بەرهەم تومار کرینە کوو هەیا نها ژی لدەڤ ستران بێژێن دن دهێنە ساخ کرنەڤە، ژ سترانێن وی یێن ناڤدار (چوومە ئاکرێ ب مێهڤانی ، حەلیمێ، جیرانێ، سەرێ زاڤانا) و چەندین بەرهەمێن دن هەنە. جهێ ئیماژێیە کو ژ بلی ستران گووتنێ ئەو لسەر کارێ خوە یێ ماموستایی هەر یێ بەردەوام بوویە. ل ساڵێن 70ێیا ژیانا هەڤژینیێ دگەل خانم ناهیدە ناجی پێک ئانییە و خودیێ 5 کوڕ و 7 کەچانە .ل دەستپێکا ساڵێن 1980یان دە قەسدا پشکا کوردیا ئێزگێ بەغدا کرییە و ل وێرێ 7 ستران تومار کرینە. ل 04 -03 - 2013 ب سەدەما جەڵدەیا مێشکی وەغەرا داویێ کرییە و لسەر وەسیەتا وی بخوە ل گورستانا بەردوکا سەبڕان یا باژێڕوکێ ئاکرێ هاتییە ڤەشارتن.[1]
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 1,204 جار بینراوە
ڕای خۆت دەربارەی ئەم بابەتە بنووسە!