نووسینی: محەمەد فەتحوڵڵا گولەن
وەرگێڕانی: #دەزگای چاپ و پەخشی کانی عیرفان#
ئەم کتێبەی بەردەستت چەند وتارێکی هەڵبژێرراوی زانای موسڵمان محمد فەتحوڵڵا گولەنی لەخۆگرتووە. ئەمە دووەم کتێبی لەم جۆرەیە و پێشتریش لەژێر ناونیشانی هەناسەکانی دڵدا کۆمەڵە وتارێکی ترمان بڵاوکردەوە، کاتی نووسرانی ئەم وتارانە دەگەڕێتەوە بۆ سەرەتای دەرچوونی گۆڤاری (سزنتی) لە ساڵی 1979دا و ساڵانی دواتر، کە لە شێوەی سەروتاردا لەم گۆڤارەدا بڵاوبوونەتەوە. نووسەر تا ئەمڕۆش بەردەوامە لە نووسین لە گۆڤاری ناوبراودا. هەرچەندە ئەم وتارانە لە چەند کاتێکی جیا و شوێنی جیا و بارودۆخی جیادا نووسراون، بەڵام لەنێو خۆیاندا خاوەنی یەکێتی و تەواوکارین و، جیهانبینی و بۆچوونی نووسەرەکەیان دەردەخەن لەمەڕ چەندین بابەتی جۆراوجۆری مرۆیی و، جیهانی و، ئایینی و، مێتافیزیکی.