جۆری وشە: ناو
واتا: باڵندەیەکی بچکۆلەی دەنگخۆشی سەرباڵ ڕەشی ئاماڵ زەردی دەموچاو سوورە، ئەم باڵندەیە بە پۆل لە زەوی و زاراندا دەژین، پایز و زستانان لەسەر ڕێگاکاندا دەبینرێ، کە وا لەنێو پوشوپەڵاشی دڕکاويیدا خەریکی چینەکردنە.
12سانتیمەترە. نێر و مێیەی یەک ڕەنگە. باڵی زەرد و ڕەشە. کلکی ڕەش و سپییە. دەموچاوی سوورە. پشتی قاوەیی بۆرە و بۆلای پاشەڵی سپی هەڵدەگرێ. بە باڕی پشتی زەردی بۆڕیلەیە. پەڕوباڵی پڕ لە خەت و خاڵی سوورگوێزییە. بەگەل لە باغ و زەویوزاران دەژی. پایز و زستانان لە بەیار و کەنار ڕێگایان دەبینرێ کە لە دانەوێڵەی پنچکی دڕکاوی خەریکی چینە کردنە. هێلانەی خۆی لەسەر چڵووکی دار و پنچکان ساز دەکا.
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە! [1]