هێمن بەرزنجی – شاعیر و چیرۆک نووس
ناوی تەواوی (هێمن عوسمان حەمەرەشید) ە، لە1980/8/16 لە بنەماڵەیەکی پیشەگەرو ڕۆشنبیری بەرزنجە لە گەرەکی شەهیدانی ئازادی چاوی بەدنیا هەڵهێناوە، دەرچووی پەیمانگای تەکنیکی #سلێمانی#یە، هەرلەمنداڵیەوە بەهۆی ئەوەی باوکی خوێنەرێکی جدی کتێب بووە کتێبخانەیەکی گەورەیان هەبووە. مامی #عەلی حەمەڕەشید بەرزنجی# شیعر و چیرۆکی منداڵانی نووسیووە، مامەکانی تری ژەنیاری مۆسیقان، کاریگەری لە سەر دروست دەبێت هەر لەتەمەنکێکی کەمدا دەست دەکات بە خوێندنەوەی شیعری شاعیران و کتێب، لەگەڵ ئەوەشدا خولیای وێنەکێشان و گۆرانی گوتنی هەبووە، هێمن بەرزنجی لەگەڵ کارو خوێندندا بەردەوام هەوڵی خۆ ڕۆشنبیرکردن داوە، باوکی پلانێکی تۆکمەی بۆدادەنێت کەچۆن بخوێنێتەوە بەڵکو نەبێتە خوێنەرێکی هەرەمەکی بۆیە نەخشەیەکی بۆدادەنێت، ماوەی دوو ساڵ لە گۆڤارو ڕۆژنامەکاندا شیعرو چیرۆک بڵاو دەکاتەوە بێئەوەی وێنەی خۆی دابنێت، ڕۆژێک باوکی دێتەوە لەگۆڤارێکدا چیرۆکێکی پیشاندەدات بەناونیشانی تەرمی ناو تابوتەکە پێی دەڵێت کە حەزدەکەم ئەم چیرۆکە بخوێنیتەوە، ئەو کات هێمن بێدەنگ دەبێت و شەرم دەکات بڵێت ئەوە من نووسیومە، تا ئەو کاتەی لە ساڵی 2006 یەکەمین بەرهەمی خۆی کە کۆمەڵێک چیرۆکە بۆمنداڵان بڵاو دەکاتەوە، هێمن بەرزنجی خاوەنی 13 خەڵاتە لە ناو خۆو دەرەوەی وڵات لە سەر شیعرو چیرۆک، گرنگترینیان لەوانە خەلاتی یەکەمی داستانی کوردستانی ڕۆژ هەڵاتە لە ڤیستیڤاڵی سنە بۆ چیرۆکی (کوری مەریەمێکی ترم) لە ساڵی 2008، هەروەها خەڵاتی یەکەمی لاوی ساڵ لەسەر ئاستی هەرێمی کوردستان بۆ کورتە چیرۆکی (تاکێک پڵاو)، لە ساڵی 2013 خاوەنی خەڵاتی درعی عێراقییە بۆ دەقی شیعری (شەهیدەکان قوڵ نوستوون)، ساڵی 2007 ژیانی هاوسەری پێک هێناوە خاوەنی دوو منداڵی کورو کچە بەناوەکانی شازیار و گوڵیار،
بەرهەمەکانی
• ورچە هەنگوین خۆرەکە.. کۆمەڵە چیرۆکی منداڵان. 2006
• خۆشەویستی...شیعر.. 2007
• نامۆی ناو زیندان..چیرۆکی درێژ 2008
• پەنای بەربا..جەستە فرۆشێکی دڵشکاو...دوو کۆمەڵە چیرۆکی 2009
• کوری مەریەمێکی ترم....چیرۆک 2010
• هاوسەری دوەمی کوژراوەکە...کورتیلە چیرۆک 2015
• ژنی ژێر گڵۆپە سوورەکە کۆمەڵە چیرۆک 2016
• کچەی فەرش چنەکە...کۆمەڵە چیرۆک..2017
• باخی باڵندە مەستەکان...... ڕۆمان 20018
• باخۆشەویستیم بۆ کۆڵانەکەتان دەبا.... و.... تۆ خۆشەویستیت داهێنا.... دوو کۆمەڵە شیعر.. 2019 کە کۆکراوەی هەردوو کتێبی (تۆببە بەدراوسێم ماریانا.. ئەلبومێک لە خەیاڵ)ە
• من و گوڵی بەرباران... تێکستی ئەدەبی 2020
دەزانم ڕۆژێک
ئەوەندەت بیر دەکەم
بەڕاکردن دێمە بەردەرگاکەتان
بەچەقۆیەک دڵم دەردەهێنم
خوێنم ڕووی کۆڵانەکەتان سوور دەکا
دڵم بۆچییە...کە تەنیابێت ؟
دڵم بۆچییە...کە لێت دوور بیت ؟
دڵم بۆ چییە...کە ئیتر...با خۆشەویستی تۆ بۆلای من ناهێنێ
هەروەها خاوەنی چەند خەڵاتێکە
خەڵاتی یەکەمی کورتە چیرۆک لاوی ساڵ لەسەرئاستی هەرێمی کوردستان
خەڵاتی سێهەمی شیعر لە فیستیڤاڵی گوڵە عەمبەر
خەڵاتی سێهەمی چیرۆک لەفیستیڤاڵی شارەزور
خەڵاتی سێهەمی چیرۆک لە فیستیڤاڵی کەڤاڵ
خەڵات و ڕێزلێنانی یەکێتی نووسەران وەک نەەسەرێکی گەنجی ئەکتیڤ
خەڵاتی دووەمی چیرۆک فیستیڤاڵی داستانی #سنە#
خەڵاتی یەکەمی شیعر لە فیستیڤاڵی تانجەرۆ
رێزلێنانی فەغرو شانازی لەلایەن ڕێکخراوەکانی کۆمەڵگای مەدەنی ڕۆشنبیری
خەڵاتی گەنجانی خۆبەخش لەکاری هەڵدانەوە گۆرە بەکۆمەڵەکان لەلایەن ڕێکخراوی مافی مرۆڤ
خەلاتی دووەمی شیعری نیشتیمانی لەلایەن ڕێکخراوی هەتاو. [1]