نووسینی: هاشم ساڵەح
وەرگێڕانی: شوان ئەحمەد
راوبۆچونێکی باوهەیە (کە ڕەنگە وەهمیش بێت)، پێیوایە هزر لەگشت شوێن و جێیەک هەیە. لەکوێ خەڵک یان گەل یاخود زمان هەبێت، پێ بەپێی ئەمانەش هزرهەیە.. هەرکە زانکۆو خوێندنی باڵاو بڕوانامەی دکتۆرا هەبوو، هزریش بوونی دەبێت. بەڵام لە ڕاستیدا هزر زۆر دەگمەنه و زۆر لەوە کەمترە کە ئێمە پێمان وایە. ئەوەی سروشتیە ئەوەیە هزر کەم و دەگمەن بێت و خەڵک وخوا لێی بێئاگابن و دوور لە هزر ژیان بکەن. ئەڵبەت ئەگەر مەبەست لە هزر، لانی کەمی بیرکردنەوه و بەڕێکردنی ژیانی ڕۆژانه و تەنانەت نوسینی نامەی دکتۆرایەک بێت، ئەوا لەهەموو جێ و شوێنێک هەیە و هەمووکەس دەتوانێت کاری ڕۆژانەی بەڕێ بکات