ناونیشانی بابەت: شێوە زگماکییەکانی منداڵدان
ئامادەکردن: د. #کەژان کاوە تەها#
یەکێکە لەو کێشە دەگمەنانەی کە تووشی منداڵدان دەبێت بریتییە لە نائاسای لە شێوەی درووستبوونی منداڵدان کە لە قۆناغی کۆرپەلەیدا ڕوودەدات، لە جیهاندا 5٪ ی خانماندا هەیە. زۆربەی کات هیچ نیشانەیەک و کاریگەرییەکی لەسەر خانمەکە نابێت و بە ڕێکەوت دەدۆزرێتەوە لەکاتی پشکنین. بەپێی جۆر و شێوەکەی کاریگەریی جیاوازیان دەبێت.
=KTML_Bold=لە کاریگەرییەکانی شێوەی زگماکی منداڵدان:-=KTML_End=
- دەبێتە هۆی نەزۆکی بەوەی ڕێگری دەکات لە سککردن و هەڵگرتنی منداڵ تا کاتی ئاسای خۆی
- لەبارچوون بەهۆی ناتەواوی لە شێوەی منداڵدان و لەبارچوونی یەک بەدوای یەک.
- دەبێتە هۆی لەدایک بوونی پێشوەختە
- نائاسای لە شوێنی منداڵ (منداڵی سوار) کە پێویستە بەنەشتەرگەری لەدایک ببێت.
- کێشەی سوڕی مانگانەکە دەبێتە هۆی ناڕێکی و خوێنبەربوون و ئازاری زۆر.
ئەم کێشەیە لەلایەن پزیشکی پسپۆرەوە دەستنیشان دەکرێت و چارەسەرکردنی بە پێی جۆر و شێوەکەی دەگۆڕێت. [1]
=KTML_Bold=بۆ بینینی شێوەکانیان بە وێنە بڕوانە فایلی پەیوەندیدار=KTML_End=