کەمال شەریفی، ڕۆژنامەنووس و ئەندامی حیزبی دێموکراتی کوردستان (حدک) بوو کە ساڵی 2007 لە شاری سەقز دەستبەسەر کرا. دوای دەستبەسەرکرانی، کەمپەینێکی بەربڵاو بۆ پێشگرتن لە ئیعدامی ناوبراو لە لایەن ڕۆژنامەنووسانی ڕۆژهەڵاتی کوردستانەوە وەڕێخرا. کەمپەینەکە کە ڕەنگە یەکەم کەمپەینی لەو جۆرە بۆ ڕۆژهەڵاتی کوردستان بوو، لە گەڵ پێشوازیی بەرینی چالاکانی سیاسی و کۆمەڵایەتیی کوردستان بەرەوڕوو بوو و دەیان هەزار کەس پشتیوانیان لێ کرد. دوا جار کەمال شەریفی بە 30 ساڵ زیندان و دوور خرانەوە بۆ بەندیخانەی میناب لە باشووری ئێران حوکم درا. ئەو ئێستا لە زیندانی میناب لە نیزیک شاری بەندەرعەباس ماوەی زیندانیەکەی تێدەپەڕێنێ.