مەریوان مەسعود
هەموومان چەندین ساڵە جۆرە شیرینییەک دەخۆین بە ناوی ( چۆرەک) ئەم چۆرەکە لە چییەوە هاتووە و چۆن هاتۆتە سلێمانی و هەولێر و کەرکووک؟!
لە شاری بەغدا دوکانێکی شیرینی هەبووە کە ئێستاش هەر ماوە بەناوی شیرینی و کێکی سەید، کە دەکەوێتە ناوچەی حەیدریخانە لە تەنیشت ڕەسافە، ئەم سەیدە هەر لە منداڵییەوە لە ساڵی 1860ەوە لەگەڵ باوکی لەو دوکانی شیرینیە کاری کردووە، دواتر خۆی بووە بە وەستای یەکەم، بە شارەزایی خۆی و سوودوەرگرتن لە ئەزموونی تورکەکان و فارسەکان، جۆرە شیرینییەکی درووستکردووە کە بەکونجی داپۆشراوە و ناوی ناوە چۆرەک، تەنانەت ئەو مام سەیدە بەپێی سەرچاوە عەرەبییەکان زمانی کوردی و فارسی و تورکی باش زانیوە و پێیان وتووە ( سەید چۆرکچی) . کە گوایە چۆرکچی واتە فرۆشیاری کێک.
ئیتر بە پێی ڕۆژگار ئەم شیرینیە نێردراوە بۆ شارەکانی
کوردستانیش و ناوی نراوە چۆرەک، شایەنی باسە چۆرەکی مام سەید نەرم بووە نەک ڕەق وەکوو ئەوەی ئێستا لای خۆمان هەیە.
ئەم زانیارییەشتان با هەبێت!.[1][2]
تێبینی: کوردیپێدیا بەهیوایە تەواوی وشە و دەستەواژە کوردییەکانی هەموو شێوەزمانەکان بە پێناسی ڕێزمانییان و خستنە ڕستەیانەوە کۆبکاتەوە و وێنەی پێویستیش بۆ زۆریان پەیدابکات، تکایە یارمەتیی کوردیپێدیا بدە...
ئەم بابەتە 1,262 جار بینراوە
ڕای خۆت دەربارەی ئەم بابەتە بنووسە!