دواڕۆژ، مێهڤان مەجید
#رووندک#ا 18 سالی کچا باژارێ زاخۆ، بەری 9 مەهان د نەشتەرگەریەکێدا ل نەخوەشخانا تەنگاڤیان ژیانا خوە ژ دەست دا، خێزانا وێ ژی دژی نوژداران سکالایەک تۆمارکربوو، لێ تا نوکە چو کەس ژ بەر وێ کەیسێ نەهاتینە گۆنەهبارکرن و گرتن.
بۆ دووڤچوونا کەیسا رووندکێ لیژنەکا ساخلەمیا #دهۆک# دووڤچوون دکر و ئەنجام رادەستی دادگەها زاخۆ کرن، د ئەنجاماندا 3 نوژدارێن نەشتەرگەری ئەنجامداین نەهاتبوون گۆنەهبارکرن.
خێزانا رووندکێ و پارێزەرێ وێ خەتاب عومەر باوەری ب ئەنجامێن لیژنەیا ساخلەمیا دهۆک نەئینایە و گۆمان بۆ وان چێبووبیە، لەورا داخوازکرینە لیژنەکا دی ژ ساخلەمیێن دەرڤەی پارێزگەها دهۆک بۆ دووڤچوونا ڤێ کەیسێ بهێتە پێکئینان.
خەتاب عومەر، پارێزەرێ رووندکێ بۆ دواڕۆژ گۆت ئه و راپۆرتا شارەزایێن ساخلەمیا دهۆک دایە دادگەهێ مە رەتکریە، چنکو ئەنجامێن راپۆرتێ تاگیری تێدابوو، مە داخواز ژ دادگەهێ کر لیژنەکا دی ژ پارێزگەهێن هەولێر و سلێمانیێ بهێتە پێکئینان دا دووڤچوونا ڤێ کەیسێ بکەت، دادگەهێ ژی داخوازا مە قەبوول کریە.
تەحسین بابێ رووندکێ بۆ دواڕۆژ گۆت داخواز دکەم گۆنەهبار بگەهنە سزایێن خوە و مافێ کچا من بەرزە نەبیت دا پیچەکێ دلێ من رحەت ببیت.
بۆ مەرەما چارەسەرکرنا نەخوەشەیەکێ ل شەڤا 18 شوباتا ئەڤ سالە، رووندک تەحسین سەرەدانا نەخوەشخانا تەنگاڤیان ل زاخۆ کربوو و پشتی نەشتەرگەریەکا بچووک بۆ هاتیە کرن گیانێ خوە ژدەستدا.[1]
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 5,891 جار بینراوە
ڕای خۆت دەربارەی ئەم بابەتە بنووسە!