لە ساڵی 1928 لە شاری #کەرکووک# لە دایک بووە.
ناهیدە ڕەفیق حیلمی جگە لەوەی نووسەر و لێکۆڵەرێکی بەتوانا بووە، کچی سەرۆکی حیزبی هیوا مامۆستا #ڕەفیق حیلمی# بووە.
ناهیدە یەکێک بووە لەو ژنە دەگمەنانەی کورد کە لە ساڵانی پەنجاکانی سەدەی ڕابردوو بە مەبەستی خوێندن سەردانی ئەمریکا و زۆرێک لە وڵاتانی دنیا دەکات و چەندین زمانی زیندووی جیهانی زانیوە.
ناهیدە ڕەفیق حیلمی، خاوەنی بڕوانامەی ماستەر بووە لە زانستی سیاسیی پەیوەندییە نێودەوڵەتییەکان، کە لە ئەمریکا بەدەستیهێنابوو، بێجگە لە کوردیی، زمانەکانی ئینگلیزی، عەرەبیی بە باشیی زانیوە و چەندنین پەرتووکی لە بوارەکانی سیاسەت، مێژوو و گژوگیادا نووسیوە.
نووسەر و لێکۆڵەر ناهیدە ڕەفیق حیلمی دوای ململانێیەکی زۆر لەگەڵ نەخۆشییەکی کوشندە، لە (19-06-2019) لە تەمەنی 91 ساڵیدا لە شاری #سلێمانی# کۆچی دواییکرد. [1]