ناو: مەحمود
نازناو: مەحمود بێوەی
ناوی باوک: ئەحمەد
ساڵی لەدایکبوون: 1944
ڕۆژی کۆچی دوایی: #04-06-2015#
شوێنی لەدایکبوون: #هەولێر#
$ژیاننامە$
نوسینی: #خالید عومەر عوسمان#
مەحمود بێوەی- ئەکتەر و شێوەکار
ناوی تەواوی (مەحمود ئەحمەد حەمەد) ە، ساڵی 1944 لە شاری هەولێر لە دایکبووە، ساڵی 1967 خانەی مامۆستایانی تەواو کردووە، دوو جار ژیانی هاوسەرگیری پێکهێناوە بەڵام بەداخەوە منداڵیان نەبوە، ساڵی 1967 دەستی بەکاری هونەری کردووە بە شانۆگەری (تجرية فقط)، ئەو هونەرمەندە لە سێ لایەنی بەرچاو بەهرەی هەبووە وەک نووسین و نواندن و هونەری شێوەکاریدا بەڵام پتر لە بواری شانۆ و نواندن دیار بووە، لە هونەری شێوەکاری و تابلۆ کێشانیشدا هونەرمەندێکی بێ هاوتا بووە، بەڵام بەداخەوە دوای ئەم هەموو خزمەتەی ئەویش وەک زۆربەی هونەرمەند و داهێنەرانی دیکە بەبێ نازی و بەدەم ئازاری نەخۆشیەکی سەختەوە لە 2015/6/4 کۆچی دوایی کرد،
بەرهەمە شانۆیی نواندنەکانی: (تجرية فقط 1967) (هەبو نەبو 1980) (سورمەخان 1983) (مرۆڤ و ئازارەکانی 1983) (جەنابی جانەوەر 1983) (لاس و خەزال 1983) (قەڵای دم دم 1984) (خانەدان 1984) (ئاسکە 1985) (خاتووکڵاوزەر 1985) (ڕاوچی 1986) (گوڵی نهێنی 1986) (کانی مەلەک ڕێزان 1986) (پیکەنینی توڕەیی 1992) (3 کەللە پوچ 1992) (کەوەکانی قەرەچوغ 1993) (شارەکەم 2007) (بێ سەرپەرشتان 2010) (قسەی خەڵکی) (تاقیکردنەوەو بەس) (کارەکەر[2]
مەحمود بێوەی ڕەنگە زۆرێک لە ئێمە ئەم ناوەمان بیستبێت، یان وێنەکەیمان لەلا ئاشنا بێت، ئەمە (مەحموود ئەحمەد بێوەی)ە، ئەکتەری بواری نواندنی دراماو شانۆ لە هەولێر، بەڵام کەم کەس دەزانێت کە ئەم زاتە کاری هونەری وێنەکێشانیشی کردووە.
ئەم تابلۆیەی لە فایلی پەیوەندیدار دانراوە کارێکی هونەری مەحموود بێوەیە، کە قەبارەکەی 70 سم بە 55 سم دەبێت و بە بۆیەی ڕۆنی لەسەر قوماش کێشاویەتی، تابلۆکە لەرووی تەکنیک و ڕەنگ و شێوە وە زۆر بەسادەیی و خۆرسکانە کێشراوە، بەڵام لە ڕوانیندا جۆرێک لە قوڵی ڕەنگ و هارمۆنیای ئیمپرێشینیزمیانەی بەهێزی تێدایە، پێدەچێت وەک وێنەیەکی کۆلاژکراو لە دیمەنەکاندا سوودی لە چەند وێنەی جیاجیا وەرگرتبێ و نیگارە گشتییەکەی خەملاندووە، کە هەندێ شوێنی لاواز دەردەکەوون و هەندێ شوێنی بەهێز و تەکنیکی جوان نیشانمان دەدات، بەتایبەتی شاخە مۆرەکەی دواوە کە وا پێدەچێت لە تابلۆیەکی سیزان واریگرتبێت، بینینی ئەم تابلۆیە جۆرێک لە سۆزی نوستالێژیمان پێدەدات، چوونکە هەم سادەیە هەم ڕەنگی گەش و گەرمی تێدا کۆکردۆتەوە، من بۆخۆم چێژی زۆری لێ دەبینم بۆیە لە شوێنێکی بەرچاوی ماڵەکەم دا هەڵم واسیوە..
ساڵی درووستکردنەکەی دیارنییە، بەڵام بە پێی جۆری تەکنیک و تەمەنی تابلۆکە پێدەچێت لە ساڵانی حەفتاکان درووستکرابێت.[1]