خانکێ ئێکە ژ باژاڕۆکێن هەرە گرنگێن ئێزدیان و هەروەسا ناسناڤێ خانکێ ( خانک و قەباغا )یە و دکەڤیتە رۆژئاڤایێ باژێڕێ #دهۆک#ێ ب دوراتیا 20 کیلومەتران و ل دەستپێکێ خانکێ گوند بوو لێ ل ناڤەراستا ساڵا 2023 خانکێ بویە باژاڕۆک. و گوندەکێ موسلمانان ژی ل خانکێ هەیە ب ناڤێ کەمونا ( چەم بەرکات ) و نەه 9 گوندێن ئێزدیان ژی لێ هەنە ( قسر ئێزدین، ڕبێبی، زەینیا، کەبەرتو، خانکا کەڤن، سۆرکا، گودبە، خێراڤا، هەوێریا ) . ڕێژەیا خەلکێ خانکێ نێزیک 20 هەتا 30 هەزار کەسان بوو ل ساڵێن 2008ێ هەتا 2009ێ لێ نهۆ ئەڤ ڕێژەیە کێمتر بویە ژبەر کو گەلەک ژ خەلکێ خانکێ قەستا دەرڤەی وەڵاتی کریە ب تایبەت ل ساڵا 2014ێ. ل دەستپێکێ جهێ خانکێ نێزیک ڕووبارێ دیجلە بوو ل دەشتا مووسل ب دوراتیا دوو کیلۆمەتران ژ باژاڕۆکێ خانکێ، لێ لدەمێ دەست ب ئاڤاکرنا بەنداڤا مووسل هاتییە کرن ل ساڵا هزار و نەهسەد و هەشتی و شەشێ 1986ێ حکومەت ڕابوو ب دابەشکرنا پارچەیێن زەڤیان لسەر خەلکێ و خانیێن نوو هاتن ئاڤاکرن ژ لایێ خەلکێ دەڤەرێ ڤە و ئەڤ شارۆچکەیێ نهۆ دبێژنێ خانکێ هاتە ئاڤەدانکرن و خانکا کەڤن ب تەمامی ژێر ئاڤ بوو، خزمەتگۆزاریێن جورا و جور ل باژاڕۆکێ خانکێ هەنە وەکی قوتابخانە، نەخۆشخانە، بنگەهێ پۆلیسا، بنگەهێ ئاگر ڤەمراندن، یاریێن تەپا پێ، هۆلێن وەرزشی و سەنتەرێن جڤاکی و ڕەوشەنبیری و ساڵانە پێشبرگێن جورا و جور بۆ خەلکێ دەڤەرێ دهێنە ڤەکرن. و ڕێژا چاندنیا دارا ل باژاڕۆکێ خانکێ بەردەوام د زێدەبوون دایە ب ڕێژەکا مەزن و بەرچاڤ دهێت دیتن. و هەروەسا زۆربەیا خەلکێ خانکێ دەرچویێن زانکۆێن کوردستان و دەرڤەی کوردستانێ نە و ژبەر کو جهێ خانکێ نێزیکی بەنداڤا مووسلە بویە جهێ سرنجا گەشتیاران و خەلکێ دەڤەرێ و ژین و ژیانا گەلەک کەسان لسەر گرتنا ماسیا یە ل ڤێ دەڤەرێ و ل دەمێ کێم بوونا ئاڤا #بەنداڤا مووسل# شینوارێن قوتابخانە و مالێن کەڤنار یێن خانکێ دیار دبن و گەلەک کەسێن دەڤەرێ سەرەدانا وان شینوارێن جوان و کەڤنار دکەن. [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 708 جار بینراوە
ڕای خۆت دەربارەی ئەم بابەتە بنووسە!