ناو: پەروین
ناوی باوک: موشیر
نازناو: وەزیری
یەکێک بوو لە ڕاگەیاندنکارە سەرکەوتووەکانی سەردەمی خۆی و وەک پێشکەشکار و بێژەر و خوێندنەوەی هەڵبەست و وەرگێڕ لە فارسییەوە بۆ کوردی لە ڕادیۆی کوردی #کرماشان#، لەسەرەتای شەستەکانەوە تا ساڵی (1979) لەگەڵ هاوسەرەکەی لەو ڕادیۆیە کاری کردووە، لە دیارترین بەرنامەکانی بەرنامەی (#هەوارگەی دڵان#) بووە، کە بەهۆی گوێگری زۆرەوە دوای بڵاوکردنەوەی لە کرماشان، لە ڕادیۆی #سنە# و شارەکانی تریش جارێکی تر بڵاوکراوەتەوە، خاتوو پەروین و خانەوادەکەی ماوەی (21) ساڵە لە لەندەن نیشتەجێ بوون.
لە تەمەنی (69) ساڵیدا لە نەخۆشخانەی (ڕۆیاڵ هۆسپیتەڵ) لە لەندەن، لە ڕێکەوتی (18-12-2010) ، کە هەمان ڕۆژ و مانگی ساڵی (1941) ، کە تیایدا لە سنە لەدایکبوو، کۆچی دواییکرد. [1]