نووسەر: محەمەد سەعید ڕەمەزان بۆتانی
وەرگێڕانی: #قاسم سەلام#[1]
موحەممەد سەعید ڕەمەزان بوتی لە دوو توێی ئەم کتێبەدا باسی چیڕۆک و بەسەرهاتی باوکی دەکات هەر لە سەرەتای لەدایک بوونیەوە تاوەکو وەفاتی، باوکی یەکێک بووە لە زاناو عاریفە گەورەکانی کورد، خەڵکی جەزیرەی بۆتانی کوردستانی باکوور بووە، پاشان لەبەر خراپی دەسەڵاتی ئەتاتورک خۆی و خێزانەکەی کۆچ دەکەن بۆ وڵاتی شام، لەوێش دەبێتە یەکێک لە کەسایەتییە گەورەکانی ئەو وڵاتە، ناوو شۆرەتی بڵاو دەبێتەوە و دەناسرێ، بوتی هەروەک خۆی لە پێشەکی چاپی دووەمی کتێبەکەدا ئاماژە پێکردووە ئەم کتێبە بەراوورد بە کتێبەکانی دیکەی دەنگدانەوەیەکی زۆری بەدوای خۆیدا هێناوە و بووەتە جێی سەرنجی نەک هەر کەسانی دیندار، بەڵکو کەسانی دوور لە دینیش باوەشیان بۆ کردۆتەوەو گرنگیان بە خوێندنەوەی داوە.