ناو: ئاڵا
ناوی باوک: شاڵی
ساڵی لەدایکبوون: 1979
شوێنی لەدایکبوون: #سلێمانی#
$ژیاننامە$
ئاڵا شاڵی ساڵی 1979 لە شاری سلێمانی لەدایکبووە. لە ساڵی 1988ەوە لە ئەڵمانیا دەژی. ماستەری لە وێژەی ئەڵمانی و زانستەکانی تەلەڤزیۆندا هەیە. سێ ساڵ مامۆستای زمانی ئەڵمانی بووە. ماوەی 13 ساڵ وەک پەیامنێر لە ڕادیۆی WDR ئەڵمانی کاری کردووە و بە کوردی و ئەڵمانی ڕاپۆرتی ئامادەکردوون.
زۆر حەزی لە وەرزشە، ئەسپسواریی دەکات و لە یاری تایکواندۆدا پشتێنی قاوەیی هەیە. ڕووماڵی سەردانە فەرمییەکانی شاندەکانی کوردستانی کردووە بۆ وڵاتانی یەکێتی ئەوروپا. هەروەها ڕووماڵی هەڵبژاردنەکانی ئەوروپای کردووە. دەیان ڤیتی لەسەر ڕووداوەکانی ئەوروپا و کۆبوونەوەکانی لووتکەی یەکێتی ئەوروپا درووستکردوون، ئەمەش وایکرد کە ئاڵا شاڵی لە ڕۆژی 21-03-2019 بە یەکێک لە چالاکترین پەیامنێرانی ژن لەنێو ئەنجوومەنی یەکێتی ئەوروپا هەڵببژێردرێت.[1]