دواڕۆژ، ڕەڤەند گوهەرزی
ئەمڕۆ پێنجشەممە 15ی ئازاری 2018، ڕوفاتی 15 کەس لە گۆڕێکی بەکۆمەڵ لە باکوری #شەنگال# دۆزرایەوە، بەرپرسێکی قەزاکەش دەڵێت تا ئیستا 67 گۆڕی بەکۆمەڵ دۆزراونەتەوە.
لەو بارەیەوە باسم قاسم شەنگالی، بە دواڕۆژی ڕاگەیاند ئەمڕۆ گۆڕێکی بەکۆمەڵی ئێزدییەکان لە شەنگال دۆزرایەوە کە ڕوفاتی 15 کەسی تێدابوو.
وتیشی ئەو گۆڕە بەکۆمەڵە لە نزیک باخێک لە ناحیەی گڕعوزێر لە باکوری شەنگال دۆزراوەتەوە.
هاوکات نەقیب عیمای هەسکانی، بەڕێوەبەری گۆڕە بەکۆمەڵەکان لە شەنگال بە دواڕۆژی وت لە دوای ئازادکرنی شەنگالەوە لە دەستی #داعش# تا ئێستا 67 گۆڕی بە کۆمەڵمان لە ناو سەنتەر و دەوروبەری شەنگال دۆزیوەتەوەو هەشت لەو گۆڕانە هەڵدراونەتەوەو ئەوانیتر دەستکاری نەکراون.[1]
#15-03-2018#