ساکار حسێن عەلی
وەرگێڕ لە 02-03-1999 لە شاری #سلێمانی# لەدایک بووە. لە ئێستادا خوێندکاری بەشی (ئایتی) یە لە زانکۆی پۆلیتەکنیکی سلێمانی. جگە لە زمانی کوردی هەر سێ زمانی (عەرەبی، ئینگلیزی و کۆری) دەزانێت. ئەو هەر لە تەمەنێکی زووەوە، سێزدە و چواردە ساڵی، ئارەزووی لە کاری نووسین و وەرگێڕان بووە و خەونی بەوەوە دیوە ڕۆژێک لە ڕۆژان ببێتە نووسەر و وەرگێڕ تەنانەت کاتێ لەم تەمەنەدا پەڕتووکی (کیمیاگەر) ی پاولۆ کۆیلۆی خوێندۆتەوە هیوای خواستووە بتوانێت بۆ کوردی وەریبگێڕێت بەڵام بەهۆی کەمئەزموونییەوە خۆی لە قەرەی نەداوە تا ئەوەی توانی لە ساڵی 2019 خەونەکەی لە بواری وەرگێڕاندا بهێنێتەدی و یەکەم پەڕتووکی وەرگێڕدراوی بڵاو بکاتەوە..تا ئێستا خاوەنی چەندین بەرهەمە بەم ناوونیشانانە:
1- ئەکستاسی - نووسینی: عەبدولهادی ئەلعەمشان - وەرگێڕانی: ساکار حسێن.
2- پێنج پێ دووری - نووسینی: ڕیچل ڕیپنکێت و مێکی دۆتری - وەرگێڕانی: ساکار حسێن.
3- نهێنی ئەستێرە مۆرەکان - نووسینی: ساکار حسێن.
لە ئێستادا کاری (بووکتیوبەر) لە یوتیوب و ئینستاگرام دەکات کە بریتییە لە پێداچوونەوە و ناساندن و فرۆشتنی پەڕتووکەکانی بە ئۆنڵاین..
ساکار حسێن وێڕای کاری نووسین و وەرگێڕان چالاکیی خۆبەخشی و خولیای وێنەکێشانیشی هەیە..[1][2]
هەژماری فەرمی لە ئینستاگرام: https://www.instagram.com/sakar_booktuber
هەژماری فەرمی لە یوتیوب: https://www.youtube.com/channel
هەژماری فەرمی لە فەیسبووک: https://www.facebook.com/papula.sakar