کەروێشکەسپی
ئەو کەروێشکە سپییە
جوانە لەوێنەی نییە
هەتا بڵێی نیانە
خنجیلەیە و خەپانە
هەمیشە من حەزدەکەم
یاری لەگەڵدابکەم
دێم و دەچم لەگەڵیا
دەیدەمێ گێزەر و گیا
ئازاری یەکتر نادەین
لەگەڵ یەکتر لێبوردەین
ئەویش زۆر ئاسودەیە
هاوڕێی وەک منی هەیە
05– 03 - 2020
ئەم هۆنراوەیە لە ژمارە 7 ی گۆڤاری گڕوگاڵی نوێ ی پاشکۆی ژمارە 16 ی گۆڤاری بەیان بڵاوبۆتەوە کە لە شاری مەهاباد دەردەچێت.
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]