Şemsî (Egîtê Hesenê Şemo)
Şemsî (Egîtê Hesenê Şemo) (jdb. 1933 m. 2002) helbestvan û nivîskarekî kurd bû.
Helbestvanê Kurd ê bi nav û deng Egîtê Hesenê Şemo, ku weke Helbestvanê deng daye bi navê lîteratûrî yê Şemsî, di sala 1933an de li zozanekî çiyayê Elegezê (Ermenistanê) hatiye dinyayê.
Ji sala 1955an heta sala 1959an ew di xwendegeha Kurdî ya pedagojiyê de li paytextê Ermenistanê Êrîvanê fêr dibe, ku ji bo amadekirina mamostayên ziman û edebiyeta Kurdî hatibû vekirin.
Piştî çend salên dersdariyê li gundên navça Hoktêmbêryanê ew dibe berpirsiyarê beşeke rojnama eynî navçê ya bi navê »Komûnîzmî hamar« (Ji boy komunîzmê), ku bi zimanê Ermenî dihate weşandin.
Di sala 1969an de Şemsî fakulteya ziman û edebiyetê ya Zanîngeha Êrîvanê xelas dike û xwendina bilind bi dest tîne.
Piştre dîsa ew karê xwe heta destpêka salên 90î dewam dike. Ji bilî rojnamên kurdî û ermenî gelek berhemên wî di berhevoka bi navê »Bihar« de hatine çapkirin, ku wek antolojiyeke afirandinên şaîr û prosaîstên Kurd hersal li Êrîvanê dihat weşandin.
Sala 2000î diçe bajarê Rûsyayê Vladîmîrê û li wira havîna sala 2002an wefat dike.
Berhemên Wî
Semdan
Hîveron
Hêsirê baharê
Simil
Asiqê buhurtî (1992, Êrîvan[1]