کۆبوونەوەی یەکەمی یارییەکانی پاڵەوانێتی شەتڕەنجی یانەکانی ئێراق بۆ ئاستی نایاب کۆتایی هات و لەو کۆبوونەوەیەدا تیمی شەتڕەنجی نایابی یانەی پێشمەرگە توانی 5 سەرکەوتن بەدەست بهێنێت.
سەبارەت بە ئەنجامی تیمەکەیان #ئەسعەد ئیسماعیل# سەرپەرشتیاری گشتی تیمی شەترەنجی یانەی پێشمەرگە بۆ پێشمەرگە سپۆرت وتی، لەم وەرزەدا پاڵەوانێتییەکی جیاواز بەڕێوە دەچێت کە سەرجەم یانەکان بە یاریزانی پیشەگەر پێکهاتەی تیمەکانیان بەهێز کردووە، بەڵام #یانەی وەرزشی پێشمەرگەی سلێمانی# وەک هەمیشە بە یاریزانی نێو یانەکەی کە قوتابخانەی پێگەیاندنی چەندین بیرمەندە توانیویەتی بەشداری لەو ڕکابەرییە بەهێزانەدا بکات و ئاستێکی بەرز پیشان بدات، ئیسماعیل وتیشی، یانەی پێشمەرگە لە کۆبوونەوەی یەکەم 7 یاری ئەنجام داو خۆشبەختانەش بە 5 سەرکەوتن پلەی چوارەمی ڕیزبەندی یانەکانی گرتووە و وە لە دەست خستنی ئەنجامی باشتر و گەیشتنەوە بە پلەکانی پێشەنگیش بەردەوام دەبین.
ئەو بێ هیوا نەبوو لە ئەنجامەکانی یارییەکانی داهاتوویان کە لە #06-03-2024# تا #09-03-2024# لە شاری #بەغدا# بەڕێوە دەچێت و وتیشی، تیمەکەمان ئاستێکی بەرزی هەیە و بۆ ئەنجامەکان ناوەستین و کۆڵنەدەردەبین.
جێگەی باسە دوایی کۆتاهاتنی یارییەکانی کۆبوونەوەی یەکەم تیمی یانەکانی (ئیتیسالات و کارەبا) بە 14 خاڵ لە پلەکانی یەکەم و دووەم دێن و #یانەی شەتڕەنجی خانزاد#ی شاری #هەولێر#یش بە 11 خاڵ سێیەمە و هەرچی پێشمەرگەکانی، پێشمەرگەیە بە 10 خاڵ لە پلەی چوارەم دێن لە کۆی 14 یانەی بەشداری پاڵەوانێتییەکەی ئێراق.[1]