Navê pirtûkê: ŞEWQ Û PAYIZ
Navê nivîskar: Fatma Savci
Cihê çapkirina pirtûkê: Istanbul
Navê çapxaneyê: Avesta
Sala çapê: 2011 [1]
Ey kurê êvar û payizê!
Tu ew dilê me yê ku her şeveq bi dar ve dikin..
Ew çarenûsa me ya li ser pişta xezalê yî tu..
Tu ew temenê me yê ji beza Kihêlê yî..
Ax! Komara xewna me ya kuştî yî tu..
Çavên min ezmanekî fesilandî ne vêga..
Barê wan baran..
Li kîjan xweşikahiyan binêrim, Hecîreşkek xwe li bin guhê dîwaran dide..
Rûyê te yê keska çirûskê, wek xezaleke birîndar di nav giriyê min re derbas dibe..
Dicemidim..
Reng êsêdarê tevî dengê min dibe..
Xwîna min diçike..
Ji birîna min tu diherikî..