ئەڤرۆ د شەشەمین ڕۆژا #جەژنا جەما#یێ یا کوردێن ئێزدی دا، ل سەرانسەری جیهانێ، سەرەدانکەر بۆ #پەرستگەها لالش# هاتینە ئەنجامدان.
لقمان سلێمان، پەیڤدارێ پەرستگەها لالش بۆ(باسکورد) دیارکر: سوبەهی ڕۆژا پێنجشەمبی 13/10/202، ڕۆژا دیماهیێ یا جەژنا جەمایێ یە، د ڤان حەفت ڕۆژان دا، ل سەرانسەری جیهانێ، کوردێن ئێزدی سەرەدانا هەرێما کوردستانێ و قەزا شێخان ل پەرستگەها لالش کریە بۆ پشکداریکرن د ڕێورەسمێن جەژنا جەمایێ، کۆ ئەڤ جەژنە ب جەژنێن پیرۆز یێن کوردێن ئێزدی دهێتە هژمارتن، هەرسال لرێکەفتی 6/10 دەستپێدکەتن و تا کۆ 13/10 بەردەوام دبیت.
پەیڤدارێ پەرستگەها لالش بۆ(باسکورد) گۆتژی: د ڤان ڕۆژێن جەژنێ دا، نێزیکی 200 هزار سەرەدانکەران ل سەرانسەری جیهانێ سەرەدانا پەرستگەها لالش کریە، سۆپاسیا حکومەتا هەرێما کوردستانێ دکەین، کۆ هەرسال ڕێزێ ل ڤان جەژنێن مە دگریت، هەم بهێنڤەدان دهێتە ڕاگەهاندن، هەم هێزێن ئەمنی ب هەموو ڕویەکێ ڤە د ئامادەباشیێ دا نە و ئارمانجا وان، پەیداکرنا ئێمناهیێ یە د هەر بیرەوەریەکێ دا و د جەژنا مە ژی دا ڕۆلێ وان یێ مەزن و بەرچاڤە.
ئامادەکردنی: سارا سەردار
[1]