جەولەی دووەم لە قۆناغی دووەمی خولی لاوانی یانەکانی کوردستان بەڕێوەچوون، لەو جەولەیەدا، لاوانی پێشمەرگەی سلێمانی لەسەر یاریگەی خۆی لە ناوچەی فەرماندەیی میوانداری لە لاوانی
#یانەی وەرزشی سیروانی نوێ#ی هاوشاری کرد.
یارییەکە لە کاتژمێر 4:30 خولەکی ئێوارەی ڕۆژی سێشەممە ڕێکەوتی #22-08-2023# بەڕێوەچوو، دوایی یارییەکی بەهێز و کۆتایی هاتنی کاتی یاسایی و یەکسان بوونی هەردوو تیم، دواجار ناوبژیوان پەنای بردە بەر لێدانە یەکلاکەرەوەکان و تێیدا و کوڕانی پێشمەرگەی سلێمانی پێشمەرگە ئاسا سەرکەوتنیان بەدەست هێناو بە ئەنجامی 4-3 گۆڵ ئەنجامەکەیان لەبەرژەوەندی خۆیان یەکلا کردەوە و گەیشتنە قۆناغی چوارگۆشەی زێڕینی خولی لاوانی یانەکانی کوردستان.
هەر لە ئەنجامی یارییەکانی ئەو جەولەیەدا، شۆڕیجە بە ئەنجامی گۆڵێکی بێ وەڵام لە هەندرێنی بردەوە و ئارارات-یش خاکی کەرکووکی تووشی شکست کرد دوایی ئەوەی ئەنجامی یارییەکەیان بە 2-1 گۆڵ کۆتایی هات.
هەروەک سیروانی هەڵەبجەش لەسەر یاریگەی یانەی ئاشتی دووچاری شکستێکی قوورس هات دوایی ئەوەی بە ئەنجامی 6 گۆڵی بێ وەڵام یارییەکە لە بەرانبەر لاوانی یانەی ئاشتی دۆڕاند. [1]