شنۆ یەکێکە لەشارەکانی ڕۆژهەڵاتی کوردستان و دەکەوێتە 75 کیلۆمەتری باشوری ڕۆژهەڵاتی ورمێ (اورمیە)، ئاو و هەوایەکی سازگاری کویستانی هەیە و لەگەڵ باشووری کوردستان و باکووری کوردستان (عیراق و تورکیا) مەرزی هاوبەشی هەیە، پیشەی دانیشتوانی ئەم شارە کشتوکاڵ و ئاژەڵداری یە و جاجم و بەرماڵی نوێژ و فەرش و بەڕە لە بەرهەمە دەستی یەکانی ئەم شارەیە.
ئەم شارە خاوەنی سروشتێکی جوانە و لەدەوروبەری چەند دارستانێکی چر هەیە، جگە لەبوونی چەندین ئاسەواری مێژوویی.
شاری شنۆ شارێکی تەواو کوردنشینە و ئاینی ئیسلام و مەزهەبی سوننە پەیرەو دەکەن، بەڵام سەرچاوە مێژووی یەکان باس لەوە دەکەن کە لە ڕابردوو پەیڕەوانی ئاینی مەسیحی و ئاینی دیکەشی لێ بوون.[1]