ناو: سامان
ناوی باوک: عەبدوڵڵا
نازناو: بریفکانی
سامان عەبدوڵڵا بریفکانی-مۆسیقا ژەن
نووسینی: #خالید عومەر عوسمان#
ناوی (سامان عەبدوڵڵا مەرعی) ە، لە #28-05-1968# لە شاری #هەولێر# لەدایک بووە، بڕوانامەی بەکالۆریۆس ڕاگەیاندن کۆلیژی ئەدەبیات زانکۆی سەڵاحەدین.. دیپلۆم لە پەیمانگەی تەکنیکیی مووسڵ، ساڵی 1991 ژیانی هاوسەری پێکهێناوە و باوکی سێ کوڕە (ئاران-ئاری-ئاکار)، ساڵی 1978 لە چالاکیی قوتابخانەکان فێری مۆسیقا بووە بە ئامێری ئۆکۆردیۆن، خاوەنی چەندین ئاوازە بۆ گۆرانیبێژان (#جەلال پەرێشان# -#کامەران ساڵح#، ڕێگر حەیدەر، #زیاد ئەسعەد#، ئاری سامان)، ئەو تیپانەی کاری تێدا کردوون بریتین لە (تیپی مۆسیقای منداڵانی هەولێر سێ جار یەکەمی ئێراق 1978-1979-1980) (تیپی مۆسیقای کاوە 1983) (دامەزرێنەری تیپی تەلار لە مووسڵ 1989 تا 1994)، چەندین کاسێتی بۆ گۆرانیبێژان تۆمار کردووە وەکوو (#ئەردەڵان بەکر#، زیاد ئەسعەد، ڕێگر حەیدەر، کامەران ساڵح، جەلال پەرێشان، #نووری گەرمیانی#، تەها حاجی)، ژیانی هاوسەرگیری و سەختیی ژیان بەهۆی ئابڵوقەی ئابووری وایان کرد ڕێڕەوی ژیانی بگۆڕێت و بە کاسبیی دیکە سەرقاڵ ببێت و بۆ ماوەی 25 ساڵ دوور کەوتووەتەوە، تا لە ساڵی 2019 ئامێرێکی ئۆرگی دەکڕێت و دەگەڕێتەوە جیهانی هونەر بەڵام تەنیا بۆ خۆشیی خۆی، وەکوو خۆی دەڵێت چەندین ئاوازی نوێی هەیە بەڵام کەسی شایستە نادۆزێتەوە تا پێی ببەخشێ، لە ساڵی 2003ەوە لە بواری ڕاگەیاندن کار دەکات و تا ئێستا بەردەوامە، ئێستا بەرپرسی بەشی وەرزشییە لە کەناڵی زاگرۆسی عەرەبی،
ئەم ژیاننامەم لەخۆی وەرگرتووە لە 15-9-2021[1]