چاوەکانت بێ دەنگ ئەدوێن
نیگا ئەکەن، زۆر شت ئەڵێن
ئەوەی بە دەم نایدرکێنی
ئەوەی لات بۆتە نهێنی
هەر کاتێ سەرنجیان ئەدەم
ئاشکرا لێیان تێ ئەگەم..
چاوەکانت جووتێ خۆرن
وان بە ئاسمانی دڵەوە
سرووشت تیشکی لێ دزیون
وا بە ڕوومەتی گوڵەوە
گوڵیش بۆیە پێکەنیوە
خەندەی لە لێوت دزیوە
چاوەکانت جووتێ چران
بۆ ڕووناکی ڕێم هەڵکران
لە ڕێی سەختی بەرەو ژوورا
بە شوێن هیوای بەرز و دوورا
نیگایان وزە و تینمە
تێشووی سەفەری ژینمە…
هۆنەر: #فەرەیدون عەبدول بەرزنجی#
لەلایەن #ئیبراهیم خەیات# کراوە بە گۆرانی [1]
=KTML_Link_External_Begin=https://www.kurdipedia.org/docviewer.aspx?id=444508&document=0001.MP4=KTML_Link_External_Between=کلیک بکە بۆ بینینی گۆرانی چاوەکانت بێ دەنگ ئەدوێن بە دەنگی ئیبراهیم خەیات=KTML_Link_External_End=