تیپی تۆپی پێی یانەی پێشمەرگە ئامادەکاری بۆ جەولەی حەوتەمی یەکەم قۆناغی خولی نایابی تۆپی پێی یانەکانی ئێراق درێژە پێدەدات. لەو چوارچێوەیەشدا بە یارییەکی دۆستانە میوانداری لە #یانەی وەرزشی سیروانی نوێ#ی هاوشاری کرد.
یارییەکە لەسەر یاریگەی فەرماندەیی و پاش نیوەڕۆی ڕۆژی دووشەممە #15-01-2024# بەڕێوەچوو تێیدا ڕاهێنەری پێشمەرگە بە پێکهاتەیەکی جیاواز یاری کردوو پلانی نوێی بۆ یاری حەوتەمی جێبەجێ کرد کە تێیدا و لەسەر یاریگەکەی لە ڕۆژی هەینی داهاتوو ڕێکەوتی #19-01-2024# میوانداری لە یانەی ئیتیسالات دەکات.
ئەمە و لەو یارییە دۆستانەیەی دا تیمەکەی یانەی پێشمەرگە لە بەرانبەر میوانەکەی یەکسان بوون بە گۆڵێک و تاکە گۆڵی یانەی پێشمەرگەش لە ڕێگەی یاریزان (عەلی حسێن) تۆمار کرا.
جێگەی باسە یانەی پێشمەرگە لە پێنج یاری ڕابردووی لە خولی نایابی یانەکانی ئێراق بە 3 یەکسان بوون و دوو سەرکەوتن 9 خاڵی کۆکردووەتەوە و لە پلەی دووەمی ڕیزبەندی یانەکانی کۆمەڵەی یەکەم دێت. هەرچی یارییەکی دواخراویشی لە بەرانبەر یانەی مەسافی جنوب لە شاری بەسرە ماوە.
[1]