پڕۆسەیەکی سەبازی بوو لە کۆتایی ساڵی هەشتاکاندا لە لایەن ڕژێمی پێشووی ئێڕاقەوە بۆ سەر گوندە کوردییەکان ئەنجامدرا و بەهۆیەوە هەزاران گوند ڕووخێنران و بەپێی ئاماری حکومەتی هەرێمی کوردستان 182 هەزار کەس بێ سەروشوێن کران و لە دوای ساڵی 2003شەوە ئێسک و پروسکی هەزارانیان لە ناوەڕاست و باشووری ئێڕاق دۆزرایەوە. ئەنفال ئاماژەیە بۆ سوورەتێکی قورئان و لەدوای ساڵی 1988ەوە وەک زاراوەیەکی سیاسی، سەربازی و کۆمەڵایەتی بەکاردەهێنرێت، چەندین وشەی تری وەک ئەنفالکراو، ئەنفالکردن و ئەنفالچیی لێ داتاشراوە.