بەپێی گشتاندنێکی ژمارە (17)ی وەزارەتی دارایی و ئابوری کە 28ی مانگی ڕابردو دەرکراوه و وێنەیەکی بۆ خەندان نێردراوە، هەموو ئه و بەڵێندەرانەی کەئەژمێری تایبەتی خۆیان (رەسیدیان هەیە) لەپڕۆژەکانی وەبەرهێنان یان پەرەپێدانی هەرێمی، دەکرێت چەکی پەسەندکراو بەکاربهێنرێت تایبەت بەئیش و کارەکانی بەڵیندەر بۆ مەبەستی (باجی دەرامەت، تاقیگەی بیناسازی، دەستەبەری کۆمەڵایەتی، بەشداربوون لەتەندەرین)دا.
بڕیارەکەی دیکە لە29ی مانگی ڕابردودا دەرکراوە بەواژۆی ڕابەرسدیق بریکاری وەزیری دارایی دەرچوێنراوە، تایبەتە بەوەرگرتنی ڕێکاری یاسایی بەرانبەر به و فەرمانبەرانەی کەلەکۆمپانیا نەوتیەکان کاردەکەن و لەهەمانکاتدا فەرمانبەرن و مووچە لەدامودەزگاکانی حکومەتی هەرێم وەردەگرن.
بەپێی بڕیارەکە، پێویستە ڕێکاری پێویست بگیردرێتەبەر بۆ مەبەستی لێکۆڵینەوه و پێداچونەوەی ڕێکارە یاساییەکانی ئه و فەرمانبەرانە و ڕێکاری یاسایی تەنها بەرانبەر ئه و فەرمانبەرانە بگیردرێتەبەر کەمامەڵەکانیان تەواو نییە یاخود بەدەر لەیاسا و ڕێنماییەکان و بەبێ ڕەزامەندی فەرمی لەحکومەت و ئه و کۆمپانیانە مووچە وەدەگرن.
- 04-09-2016