نەخشەی شارەدێی قەرەداغ و گوندەکانی دەوروبەری.
شارۆچکەی قەرەداغ دەکەوێتە باشووری شاری سلێمانی بە دووری زیاتر لە 40 کیلۆمەتر، بەپێی سەرچاوە مێژووییەکان لە ڕابردوودا ناوی (زەردیاوا) بووە، پاش داگیرکردنی کوردستان لە لایەن عوسمانییەکانەوە ناوەکەی گۆڕدراوە بۆ قەرەداغ،
لە ناوچەی قەرەداغ، چەندین ناوچەی گەشتیاری و سەیرانگا هەیە کە لە دیارترینیان (داری زەرد، تافان، جافەران) و هەر نۆ قۆپییەکە، کە هەریەکەیان بە (3) کم لەوەی ترەوە دوورە، کۆمەڵێک سەرچاوەی ئاوی لێیە و لەگەڵ هەبوونی کابینەی گەشتیاری، لەم ناوچەیە چەندین شوێنەواری دێرین هەیە لەوانە نەخشەی پادشای لۆلۆ کە پێشتر بە (نەرامسین) ناودەبرا، قەڵای باوەگردێ و زنجیرەیەک کونە جوڵا کە شوێنی پەرستن و گۆڕی بەردینن. [1]