جەمال نەجاری ساڵی 1357ی هەتاوی-1979 زایینی لە شاری مهابادی ڕۆژهەڵاتی کوردستان لە دایک بووە، خوێندنی سەرەتایی و ناوەندی و دوا ناوەندی لە #بۆکان# تەواو کردووە. لە ساڵی 1999 دەبێتە ئەندامی ئەنجومەنی ئەدەبی بۆکان و تێکەڵ بە زمان و ئەدەبی کوردی دەبێت، ساڵی 2002 دەبێتە بەرپرسی ئەنجومەنی ئەدەبی بۆکان و تا ساڵی 2004 ئەم بەرپرسایەتییەی لە ئەستۆ دەبێت، ساڵی 2004 لە بۆ درێژە پێدان بە خوێندن ڕوو لە باشووری کوردستان دەکات و لە بەشی کوردی کۆلێژی زمانی زانکۆی سەڵاحەدین لە #هەولێر# وەردەگیرێ، ئێستا بکالۆریۆسی لە زمان و ئەدەبی کوردی هەیە و لە ڕاگەیاندنەکانی باشووری کوردستان چالاکی هەیە، لەم شوێنانەی خوارەروە کاری ڕۆژنامەگەری ئەنجامداوە :
رۆژنامەی خەبات، ڕۆژنامەی جەماوەر، تەلەفزیۆنی زاگرۆس، ڕۆڤاری گەپ، ڕادیۆی دەنگی کوردستان و ئێستا سەرنووسەری ماڵپەری دەنگی کوردستانە: http://www.kurdistanradio.net
تۆمارێکی تایبەت بۆ کوردیپێدیا لەلایەن (ژیار ساڵح) لە: 14-10-2009 16:01:28